হোজাইত ডাম্পাৰৰ অতপালিক লৈ উত্তপ্ত পৰিস্থিতি

হোজাই 2 নং ৰেল গেটৰ উৰণীয়া সেঁতু নিৰ্মানৰ কামত ব্যৱহৃত ডাম্পাৰ গাড়ীয়ে লংকেশ্বৰী নাট্য মন্দিৰৰ সমীপত মাটি পেলাবলৈ গৈ বৈদ্যুতিক তাঁৰ চিঙাক লৈ স্থানীয় ৰাইজে সৃষ্টি কৰে এই পৰিস্থিতিৰ

হোজাই, 24 অক্টোবৰ: ডাম্পাৰে বৈদ্যুতিক তাঁৰ বিছিন্ন কৰাক লৈ হোজাই 2 নং ৰেলগেটৰ সমীপত ‌উত্তপ্ত পৰিস্থিতি ৷ হোজাই 2 নং ৰেল গেটৰ উৰণীয়া সেঁতু নিৰ্মানৰ কামত ব্যৱহৃত ডাম্পাৰ গাড়ীয়ে লংকেশ্বৰী নাট্য মন্দিৰৰ সমীপত মাটি পেলাবলৈ গৈ বৈদ্যুতিক তাঁৰ চিঙাক লৈ স্থানীয় ৰাইজে সৃষ্টি কৰে এই পৰিস্থিতিৰ ৷ পৰৱৰ্তী সময়ত ঘটনাস্থলীত আৰক্ষী উপস্থিত হৈ নিয়ন্ত্ৰণ কৰে পৰিস্থিতি ৷

হোজাইত ডাম্পাৰৰ অতপালিক লৈ উত্তপ্ত পৰিস্থিতি

উল্লেখ্য যে, হোজাই চহৰৰ প্ৰৱেশ পথৰ 1 নং আৰু 2 নং ৰেল গেটৰ ক্ৰচিঙত নিৰ্মাণ হৈ আছে উৰণীয়া সেঁতুৰ কাম । যাৰ বাবে ডাম্পাৰ সমুহে দুয়োটা ক্ৰচিংতেই দিনে-নিশাই পূৰ্ণদমে চলাই আছে উৰণীয়া সেঁতুৰ কাম ৷ কিন্তু শনিবাৰে 2নং ৰেলগেটৰ নিৰ্মাণৰ কামত ব্যৱহৃত ডাম্পাৰ গাড়ীখনে লংকেশ্বৰী নাট্য মন্দিৰৰ সমীপত মাটি পেলোৱাৰ সময়তে সংঘটিত হয় এই অঘটন ৷ জানিব পৰা অনুসৰি ডাম্পাৰৰ দালাখন বহু সময় উঠাই দ্ৰুত বেগেৰে আহিব খোজোতেই ওপৰত থকা 440 ভল্টৰ বৈদ্যুতিক তাঁৰত দালাখন লাগি বৈদ্যুতিক তাঁৰডাল বিছিন্ন হয় ৷ তাঁৰ ডাল বিছিন্ন হোৱাত প্ৰচণ্ড শব্দ হোৱাৰ লগতে নিৰ্গত হয় জুই ৷ ঘটনাত কোনো লোক হতাহত হোৱা নাই যদিও অঞ্চলটোৰ বহু লোকৰ ঘৰৰ টিভি, ফ্ৰিজ, এচি আদি বিকল হোৱাৰ সন্দেহ প্ৰকাশ কৰা হৈছে ৷ যাৰ বাবে উত্তেজিত ৰাইজে সৃষ্টি কৰে উত্তপ্ত পৰিস্থিতিৰ ৷

লগতে পঢ়কঃবৰপেটাৰ সৰুক্ষেত্ৰী সমষ্টিৰ বিধায়কৰ দ্বাৰা এম্বুলেঞ্চ মুকলি