হোজাই, 3 ফেব্ৰুৱাৰী : হোজাইত 'স্বয়ম' আঁচনি ৰূপায়নৰ নামত ব্যাপক দুৰ্নীতি হোৱাৰ অভিযোগ উত্থাপন হৈছে ৷ বৰ্তমানৰ চৰকাৰে ৰাজ্যৰ শিক্ষিত নিবনুৱা সকলক আৰ্থিক অনুদান হিচাপে 'স্বয়ম' আঁচনিৰ অধিনত 50 হাজাৰ টকাকৈ দিয়া ব্যৱস্থা কৰিছিল ৷ ইতিমধ্যে 'স্বয়ম' আঁচনিৰ অধিনত প্ৰথম পৰ্যায়ত 30 হাজাৰ টকাকৈ দিয়াৰ ব্যৱস্থা কৰিছে চৰকাৰে ৷
হোজাইত 'স্বয়ম' আঁচনিৰ তালিকাত অন্তভূক্ত হৈছে চৰকাৰী চাকৰিয়ালৰ নাম
কিন্তু পৰিতাপৰ বিষয় এই যে হোজাই জিলাৰ বহু সংখ্যক নিবনুৱা এই আঁচনিৰৰ পৰা বঞ্চিত হোৱাৰ বিপৰীতে এই আঁচনিৰ সুবিধা লাভ কৰিছে চৰকাৰী চাকৰিয়ালে ৷ হোজাই জিলাৰ একাংশ লোকৰ অভিযোগ অনুসৰি লংকা কাকী অঞ্চলৰ বহু শিক্ষিত নিবনুৱা 'স্বয়ম' আঁচনিৰ পৰা বঞ্চিত হ'ব লগা হৈছে ৷