হোজাই, 4 জুলাই:দৰিদ্ৰতা কেতিয়াও প্ৰতিভাত হেঙাৰ হ’ব নোৱাৰে ৷ তাৰেই এক সুন্দৰ নিদৰ্শন দাঙি ধৰিবলৈ সক্ষম হৈছে হোজাইৰ এগৰাকী দৰিদ্ৰ পৰিয়ালৰ যুৱতীয়ে ৷ হোজাইৰ কঁঠালতলিৰ যুৱতী ছোনিয়া ৰংপিপীয়ে হোজাই জিলাখনৰ লগতে ৰাজ্যখনলৈ গৌৰৱ কঢ়িয়াই আনিছে (Suniya Rongpipi selected for Indo-Thai International Futsal Championship) ।
হোজাইৰ ছোনিয়া ৰংপিপীয়ে লাভ কৰিলে ইণ্ডো-থাই ইণ্টাৰনেচনেল ফুটছাল ২০২২ ত বাছনি
বিদ্যাছিং ৰংপি আৰু মইনা ইংলেংপীৰ কন্যা ছোনিয়া ৰংপিপীয়ে বেংককত আগন্তুক ৫ ৰ পৰা ৮ আগষ্টত হ’বলগীয়া ইণ্ডো -থাই ইণ্টাৰনেচনেল ফুটছাল কাপ-২০২২ প্ৰতিযোগিতাখনত ভাৰতীয় মহিলা ফুটছাল দলৰ বাবে বাছনি লাভ কৰিছে । উল্লেখ্য যে, সৰুৰে পৰা ছোনিয়াৰ ফুটছাল খেলৰ প্ৰতি আগ্ৰহ আছিল । নিজৰ গাঁও কঁঠালতলিতেই গাঁৱৰেই এজনৰ পৰা ছোনিয়াই সৰুৰে পৰা লৈছিল ফুটছাল খেলৰ প্ৰশিক্ষণ ।