লংকাত চুৰি সামগ্ৰী উদ্ধাৰ

হোজাইৰ লংকা আৰক্ষীৰ বৃহৎ সফলতা লাভ । এক অভিযান চলাই আৰক্ষীয়ে আটক কৰিবলৈ সক্ষম হৈছে এজন চোৰ ৷ লগতে উদ্ধাৰ কৰিবলৈ সক্ষম হৈছে একাধিক চুৰি সামগ্ৰী ৷

হোজাই,17 জুন: হোজাই জিলাৰ লংকা আৰক্ষীয়ে এক অভিযান চলাই উদ্ধাৰ কৰিবলৈ সক্ষম হৈছে একাধিক চুৰি সামগ্ৰী ৷ লংকাৰ দাবলঙৰ পৰা আৰক্ষীয়ে এই সামগ্ৰী উদ্ধাৰৰ লগতে আটক কৰিবলৈ সক্ষম হৈছে এজন চোৰ ৷ বিগত 12 জুনত অঞ্চলটোৰ জয়ৰাম বস্তি নিবাসী আব্দুল হানিবৰ বাসগৃহত কোনো নথকাৰ সুযোগ লৈ চোৰে চলাইছিল চাফাই অভিযান । উক্ত চুৰিৰ সংক্ৰান্তত লংকা থানাত 282/20 ভাৰতীয় দণ্ডবিধিৰ অধীনত 457/380 নম্বৰত এক গোচৰ ৰুজু কৰিছিল ভুক্তভোগী ব্যক্তিজনে ৷

উল্লেখ্য যে,লংকা আৰক্ষী থানাৰ বিষয়া বিশ্বজ্যোতি শৰ্মাৰ নেতৃত্বত এটা আৰক্ষীৰ দলে অঞ্চলটোত অভিযান চলাই শুকুৰ আলী নামৰ এজন দুৰ্ধৰ্ষ চোৰক আটক কৰাৰ লগতে উদ্ধাৰ কৰিবলৈ সক্ষম হয় চুৰি সামগ্ৰী ৷

লগতে চাওকঃগুৱাহাটী চিকিৎসা মহাবিদ্যালয় হাস্পতালত মুকলি তৃতীয়টো Covid 19 পৰীক্ষাগাৰ