বিজেপিত মূল্য নাই শিলাদিত্যৰ ! দলৰ পৰা কৰিব পদত্যাগ

দলৰ পৰা নহয়, অকলেই ৰাইজৰ হৈ কাম কৰি যোৱাৰ সিদ্ধান্ত লৈছে জেষ্ঠ বিজেপি নেতাগৰাকীয়ে ৷ 14 জুলাইত পদত্যাগ পত্ৰ দাখিল কৰিব শিলাদিত্য দেৱে ৷

হোজাই, 12 জুলাইঃ ভাৰতীয় জনতা পাৰ্টীৰ দলীয় একাংশ নেতাৰ বিৰুদ্ধে খৰ্গহস্ত হৈ পৰিছে হোজাই সমষ্টিৰ বিধায়ক তথা জেষ্ঠ বিজেপি নেতা শিলাদিত্য দেৱ ৷

শিলাদিত্য দেৱে হোজাইত এক সংবাদমেল অনুষ্ঠিত কৰি কেতবোৰ গুৰুত্বপূৰ্ণ মন্তব্য আগবঢ়ায় ৷ তেওঁ নিজেই দলত মূল্যহীন হৈ পৰাৰ কথা প্ৰকাশ কৰে ৷ অসম বিজেপিত নতুন নেতাৰ দপদপনি চলাৰ গুৰুতৰ অভিযোগ তুলি কয় যে, অনাগত 10 মান মানৰ ভিতৰত তেওঁৰ অস্তিত্ব নাইকীয়া কৰাৰ পূৰ্ণ চেষ্টা চলিছে ৷ সেয়ে তেওঁ নাইকীয়া হোৱাৰ পূৰ্বেই আত্মসন্মানৰ খাতিৰত স্ব-ইচ্ছাই দলৰ পৰা আঁতৰি যাব বুলি প্ৰকাশ কৰে ৷

সেই অনুসৰি তেওঁ 14 জুলাইত দলৰ পৰা পদত্যাগ কৰিব বুলি জানিবলৈ দিয়ে ৷ লগতে তেওঁ জানিবলৈ দিয়ে যে, তেওঁ এতিয়া কোনো দলত যোগদান নকৰে ৷ সেয়ে তেওঁ অকলেই ৰাইজৰ উন্নতিৰ বাবে যুঁজি যাব বুলি প্ৰকাশ কৰে ৷

ইপিনে শিলাদিত্যই দলৰ পৰা পদত্যাগ কাৰ্যক "অৱসৰ" বুলি উল্লেখ কৰে ৷

দেওবাৰে এক সংবাদমেলৰ আয়োজন কৰি বিজেপিৰ পৰা অৱসৰ লোৱাৰ কথা উল্লেখ কৰাৰ লগতে দলটোৰ বিৰুদ্ধে কৰিলে কেবাটাও বিস্ফোৰক মন্তব্য কৰে সততে বিতৰ্কত থকা বিধায়ক গৰাকীয়ে । তেওঁ বিজেপিত বহুকেইটা ফৈদ আছে বুলি উল্লেখ্য কৰে ৷ শিলাদিত্যৰ এই মন্তব্যই দলটোৰ ভিতৰ চ'ৰাত থকা ক্ষমতা কেন্দ্ৰীক বিসম্বাদৰ বিষয়ে উমান দিয়ে ৷

লগতে পঢ়কঃচিকিৎসকৰ ঘৰত হোম কোৱাৰেণ্টাইন ষ্টিকাৰ লগাবলৈ যোৱা আশা কৰ্মীক দুৰ্ব্যৱহাৰ