হোজাই, 24জানুৱাৰী : গুৰুতৰভাৱে অসুস্থ বদৰুদ্দিন আজমলৰ জেষ্ঠ ভাতৃ ফখৰ উদ্দিন আজমল ৷ ডুবাইত হঠাৎ অসুস্থ হৈ পৰে আজমল গ্ৰুপ অৱ কোম্পানীৰ চি ই অ ফখৰ উদ্দিন আজমল ।
খবৰ পোৱা মাত্ৰকে ডুবাইলৈ উৰা মাৰিছে সাংসদ ভাতৃদ্বয় ক্ৰমে বদৰুদ্দিন আজমল, চিৰাজুদ্দিন আজমল ৷ তেওঁলোকৰ লগত গৈছে সহ বিধায়ক আব্দুৰ ৰহিম আজমলো ৷ আজি অৰ্থাৎ দেওবাৰে গুৱাহাটী বিমান বন্দৰৰ পৰা ডুবাইলৈ যাত্ৰা কৰে আজমল পৰিয়ালৰ সকলো সদস্যই ৷
প্ৰাপ্ত তথ্য অনুসৰি, শ্বাস প্ৰশ্বাস জনিত ৰোগত আক্ৰান্ত হৈ হঠাৎ প্ৰায় অচেতন হৈ পৰিছিল বদৰুদ্দিন আজমলৰ জেষ্ঠ ভাতৃ ফখৰ উদ্দিন আজমল ৷
বৰ্তমান ডুবাইৰ এখন ব্যক্তিগত চিকিৎসালয়ত ভৰ্তি কৰোৱা হৈছে আজমল গ্ৰুপ অৱ কোম্পানীৰ চি ই অ’ জনক ৷ ইতিমধ্যে ডুবাইৰ এখন ব্যক্তিগত চিকিৎসালয়ৰ আই চি ইউত ৰখা হৈছে আজমল গ্ৰুপ অৱ কোম্পানীৰ চি ই অ’ তথা বদৰুদ্দিন আজমলৰ জেষ্ঠ ভাতৃ ফখৰ উদ্দিন আজমল ৷
লগতে পঢ়ক :মোদী-শ্বাহৰ অসম ভ্ৰমণৰ বিৰোধিতাৰে ৰাজ্যজুৰি AASU ৰ প্ৰতিবাদ
