হোজাই,27 এপ্ৰিল:লংকাৰ 10 নং ৱাৰ্ডত সংঘটিত হৈছে এক জঘন্য ঘটনা ৷ এগৰাকী মহিলাৰ আত্মহত্যাক কেন্দ্ৰ কৰি গাঁৱবাসীয়ে সৃষ্টি কৰে উত্তপ্ত পৰিস্থিতি ৷
স্থানীয় ৰাইজে অভিযোগ কৰা অনুসৰি, মন্তোশ মহাজন নামৰ এজন যুৱকে একে গাঁৱৰে এগৰাকী বিবাহিত মহিলাৰ অশ্লীল ভিডিঅ’ বনাই ভিডিঅ’টো ভাইৰেল কৰাৰ ভাবুকি প্ৰদান কৰে ৷ আনকি এই ভিডিঅ’ৰ জৰিয়তে মহিলাগৰাকীক বিভিন্ন প্ৰকাৰৰ ভয়-ভাবুকিৰে ব্লেকমেইল কৰা আৰম্ভ কৰে ব্যক্তিজনে ৷ পৰৱৰ্তী সময়ত মন্তোশ মহাজন নামৰ ব্যক্তিজনে মহিলাগৰাকীক ধৰ্ষণ কৰাৰ কথা জানিব পৰা গৈছে ৷ উপায়ন্তৰ মহিলা গৰাকীয়ে এই বিষয়ে কাকো অৱগত কৰিব নোৱাৰি দেওবাৰে বাচি লয় আত্মহননৰ পথ ৷
লংকাত মহিলাৰ আত্মহত্যাক কেন্দ্ৰ কৰি উত্তপ্ত পৰিস্থিতি
পৰৱৰ্তী সময়ত ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷ মৰণোত্তৰ পৰীক্ষাৰ অন্তত সোমবাৰে আৰক্ষীয়ে মৃতদেহতো গতাই দিয়ে পৰিয়ালৰ লোকক ৷