বিধায়ক শিলাদিত্যৰ গৃহ জিলাত ৰণ হুংকাৰ

হোজাইত যৌথ সংগ্ৰামী মঞ্চৰ উদ্যোগত দেওবাৰে নাগৰিকত্ব সংশোধনী আইন বিৰুদ্ধে অনুষ্ঠিত হয় এক বৃহৎ গণ সমাবেশ ৷ সমাৱেশত সাংবাদিক অজিত কুমাৰ ভুঞা, সাংবাদিক অদীপ কুমাৰ ফুকনৰ উপৰিও উপস্থিত থাকে বহু কেইগৰাকী গণ্য-মান্য ব্যক্তি ৷

হোজাই, 19 জানুৱাৰীঃহোজাইৰ সদৰ শংকৰদেৱ নগৰত নাগৰিকত্ব সংশোধনী আইন(২০১৯) বিৰোধী প্ৰতিবাদ ৷ যৌথ সংগ্ৰামী মঞ্চৰ উদ্যোগত দেওবাৰে নাগৰিকত্ব সংশোধনী আইন বিৰুদ্ধে অনুষ্ঠিত হয় এক বৃহৎ গণ সমাবেশ ৷ গণ সমাবেশস্থলীত সমবেত সকলে বিভিন্ন শ্ল'গানেৰে আইনখন বাতিল কৰিবলৈ অন্তিমবাৰলৈ সকীয়াই দিয়ে ৷ আইনখন বাতিল নকৰিলে বিজেপি চৰকাৰক যমুনা নৈত উটুৱাই দিবলৈ হুংকাৰ প্ৰদান কৰে প্ৰতিবাদকাৰীসকলে ৷

সমাবেশত সাংবাদিক অজিত কুমাৰ ভুঞা, সাংবাদিক অদীপ কুমাৰ ফুকন, জিয়াউৰ ৰহমান, অধিবক্তা ৰোহিনা ৱাৰিছে ভাষণ প্ৰদান কৰি সোণোৱাল আৰু মোডী চৰকাৰক কঠোৰ ভাষাৰে সমালোচনা কৰে ৷ আনহাতে, বিতৰ্কিত বিধায়ক শিলাদিত্যৰ দেৱৰ গৃহ জিলাতে নাগৰিকত্ব সংশোধনী আইনৰ বিৰুদ্ধে দহ সহস্ৰাধিক জনতাই ৰণ হুংকাৰ দিয়া বিষয়টোৱে বিশেষ তাৎপৰ্য বহন কৰিছে ৷

আৰু পঢ়কঃ কাজিৰঙা ৰিজৰ্টৰ পৰা আটক ধৰ্ষণ কাণ্ডত অভিযুক্ত মোজ্জামিল হক