হোজাই, 30 জানুৱাৰী : 27 নং ৰাষ্ট্ৰীয় ঘাই পথৰ বৰ্তমানৰ অৱস্থাই প্ৰত্যেকজন পথচাৰী তথা যাতায়ত ব্যৱস্থালৈ এক শংকা কঢ়িয়াই আনিছে ৷ প্ৰায় এবছৰৰ পূৰ্বে ভূমিস্খলনত খহি যোৱা ২৭ নং ৰাষ্ট্ৰীয় ঘাইপথৰ এটা অংশ মেৰামতি কৰাৰ ক্ষেত্ৰত ৰাষ্ট্ৰীয় ঘাই পথ প্ৰাধিকৰণে আজিকোপতি ব্যৱস্থা গ্ৰহণ কৰা দেখা নগ'ল ৷ যাৰ বাবে বিপদসংকুল অৱস্থাত যান-বাহন সমূহে চলাচল কৰিবলগীয়া হৈছে ।
প্ৰাপ্ত তথ্য অনুসৰি হোজাই আৰু লামডিং সংযোগী ২৭ নং ৰাষ্ট্ৰীয় ঘাইপথৰ এটা বৃহৎ অংশ ভূমিস্খলনত এবছৰৰ পূৰ্বে খহি গৈছিল ৷ ৰাষ্ট্ৰীয় ঘাইপথৰ এই অংশ হঠাৎ খহি যোৱাত এবছৰে পথছোৱাৰ এটা দিশ বন্ধ কৰি আনটো দিশেৰে অব্যাহত ৰাখিছে যানবাহনৰ চলাচল ।
টোল গেটত কৰ দি কেনেদৰে 27 নং ৰাষ্ট্ৰীয় ঘাই পথত যাতায়ত কৰিব ?