হোজাই, 21 আগষ্ট : হোজাই জিলাত শনিবাৰে অনুপম চৌধুৰীয়ে বিয়লি বিদায়ী উপায়ুক্ত ডাঃ সদনেক সিঙৰ পৰা হোজাই জিলাৰ নতুন উপায়ুক্ত হিচাপে নিজৰ দায়িত্বভাৰ গ্ৰহণ কৰে । এই উপলক্ষে, উপায়ুক্ত কাৰ্য্যালয়ৰ সভা কক্ষত আয়োজিত অনুষ্ঠানত জিলা প্ৰশাসনৰ বিষয়া কর্মচাৰী সকলে নৱনিযুক্ত উপায়ুক্ত গৰাকীক উষ্ম আদৰণি জনোৱাৰ লগতে বিদায়ী উপায়ুক্ত গৰাকীক আন্তৰিক বিদায় সম্ভাষণ জনায় ।
উল্লেখযোগ্য যে, নৱনিযুক্ত উপায়ুক্ত গৰাকীয়ে ইয়াৰ পূৰ্বে তথ্য আৰু জনসংযোগ বিভাগৰ সঞ্চালক হিচাপে কাৰ্যনিৰ্বাহ কৰি আহিছে । উক্ত অনুষ্ঠানত নৱনিযুক্ত উপায়ুক্ত শ্ৰী অনুপম চৌধুৰীয়ে উপস্থিত সকলো মুৰব্বী বিষয়া সকলৰ লগত চা-চিনাকি হোৱাৰ লগতে মত বিনিময় কৰি কয় যে, আমি সকলোৱে মিলি এটা টিম হিচাপে কাম কৰি যাব লাগিব ৷ যাতে চৰকাৰে জিলাবাসী জনসাধাৰণৰ উন্নতিকল্পে লোৱা প্ৰতিটো আঁচনি সঠিক ৰূপায়ন হয়।