হোজাইত ঘাইপথতে দুৰ্বৃত্তৰ আক্ৰমণঃ আহত ব্যক্তিজনৰ চিকিৎসালয়ত মৃত্যু

হোজাইত সংঘটিত হৈছে এক চাঞ্চল্যকৰ ঘটনা । বৃহস্পতিবাৰে হোজাইৰ উত্তৰ ডিমৰুপাৰত ঘাইপথৰ সমীপতে সংঘটিত হৈছে এই ঘটনা ৷ স্কুটিৰে গৈ থকা অৱস্থাতে অচিনাক্ত দুৰ্বৃত্তই ঘপিয়ালে এজন ব্যক্তিক ৷ আক্ৰমণত গুৰুতৰ ভাৱে আহত ব্যক্তিজনক স্থানীয় ৰাইজে উদ্ধাৰ কৰি হোজাইৰ হাম হস্পিতালত ভৰ্তি কৰাই যদিও মৃত্যু হয় মইনুল হ'ক নামৰ এই ব্যক্তিজনৰ ।

হোজাই,৯জুলাই: বৃহস্পতিবাৰে হোজাইৰ ডিমৰুপাৰৰ মইনুল হ'ক নামৰ ব্যক্তিজনে স্কুটিৰে গৈ থকা অৱস্থাতে অচিনাক্ত দুৰ্বৃত্তই ঘপিয়াই গুৰুতৰ ভাৱে আহত কৰিছিল । ঘাইপথতে গুৰুতৰভাৱে আহত ব্যক্তিজনক স্থানীয় ৰাইজে উদ্ধাৰ কৰি ততাতৈয়াকৈ হোজাইৰ হাম হাস্পতালত ভৰ্তি কৰে যদিও হাস্পতালতে মৃত্যুক সাৱটি লয় মইনুল হ'ক নামৰ ব্যক্তিজনে । পূৰ্বৰ কোনো আখেজৰ বাবে ব্যক্তিজনক কোনো দুৰ্বৃত্তই দাৰে ঘপিয়াই হত্যা কৰাৰ অভিযোগ কৰিছে পৰিয়ালৰ লোকে ৷

ঘটনাস্থলীত হোজাই আৰক্ষী উপস্থিত হৈ ইতিমধ্যে আৰম্ভ কৰিছে তদন্ত । অৱশ্যে এই পৰ্যন্ত হত্যাৰ সন্দেহত কোনো লোককে আটক কৰিবলৈ সক্ষম হোৱা নাই আৰক্ষীয়ে ।