হোজাই,7 ডিচেম্বৰঃ নাগৰিকত্ব সংশোধনী বিধেয়কৰ বিৰুদ্ধে আন্দোলন তীব্ৰতৰ হোৱা নাই বুলি হিমন্ত বিশ্ব শৰ্মাই কৰা মন্তব্যৰ পাচত এইবাৰ কেব বিৰোধী আন্দোলন সম্পৰ্কে বিস্ফোৰক মন্তব্য আগবঢ়াইছে হোজাইৰ বিজেপি বিধায়ক শিলাদিত্য দেৱে ৷ বিধায়কজনৰ মতে, কেবৰ বিৰুদ্ধে আন্দোলন কৰা সকল প্ৰকৃততে বাংলাদেশী ৷ অস্তিত্বহীন আৰু শক্তি নথকা সকলেহে বন্ধৰ আহ্বান কৰে বুলি উল্লেখ কৰি সদৌ অসম ছাত্ৰ সন্থাক শক্তিহীন বুলি কটাক্ষ কৰে শিলাদিত্য দেৱে ৷ সদনত আমিনুল ইছলামে দিয়া ভাষণ সম্পৰ্কতো তীৰ্যক মন্তব্য আগবঢ়ায় বিধায়ক শিলাদিত্যই ৷ তেওঁ কয় যে, ডিঙিত অসমীয়া গামোচা লৈ ভাষণ দিলেই অসমীয়া নহয় ৷
কেবৰ বিৰুদ্ধে আন্দোলন কৰা সকল বাংলাদেশী : বিধায়ক শিলাদিত্য