হোজাই, ১১ মাৰ্চ: অসম বিধান সভাৰ প্ৰথম পৰ্যায়ৰ নিৰ্বাচনলৈ মাজত মাত্ৰ কেইটামান দিন বাকী । ৰাজনৈতিক দলসমূহৰ প্ৰায় কেইটা দলেই ইতিমধ্যে প্ৰাৰ্থী তালিকা ঘোষণা কৰিছে । লগে লগে প্ৰতিটো সমষ্টিত আৰম্ভ হৈছে তৃণমূল কৰ্মীসকলৰ ব্যস্ততা । ঠায়ে ঠায়ে ৰাজনৈতিক দলসমূহৰ নিৰ্বাচনী প্ৰচাৰৰ লগতে সমদল অব্যাহত আছে । লামডিং সমষ্টিতো সমদল কংগ্ৰেছৰ । হোজাইৰ ৯২ নং লামডিং সমষ্টিত পদযাত্ৰা কংগ্ৰেছ দলৰ প্ৰাৰ্থী স্বপন কৰৰ । লামডিং সমষ্টিৰ পৰা প্ৰাৰ্ছীত্ব লাভ কৰি স্বপন কৰি সমষ্টিটোত উপস্থিত হোৱাৰ লগে লগে উষ্ম আদৰণি জনায় সমষ্টিবাসীয়ে । বৃহস্পতিবাৰে স্বপন কৰে শতাধিক দলীয় কৰ্মী লগত লৈ পদযাত্ৰা কৰি লামডিং সমষ্টিৰ জোৰাপুখুৰী অঞ্চললৈ পৰিভ্ৰমণ কৰে ।
লামডিঙত কংগ্ৰেছ প্ৰাৰ্থী স্বপন কৰক উষ্ম আদৰণি