ৰাষ্ট্রীয় খাদ্য সুৰক্ষা আঁচনিৰ চাউল বিতৰণত অনিয়মৰ অভিযোগ

পঞ্চায়তৰ সভাপতি ঝোমা বিশ্বাস, সদস্য উষ্মান আলি আৰু সম্পাদক গুলজাৰ হুছেইনে ৰাষ্ট্ৰীয় খাদ্য সুৰক্ষা আঁচনিৰ তালিকাত নাম অন্তৰ্ভুক্ত কৰাৰ বিনিময়ত হিতাধিকাৰীৰ পৰা 5 টকাকৈ সংগ্ৰহ কৰাৰ অভিযোগ উত্থাপন কৰিছে একাংশ লোকে ৷

হোজাই , 4 মে: হেজাই জিলাৰ অন্তৰ্গত গোপাল নগৰ গাঁও পঞ্চায়তৰ আব্দুল খালেক হাইস্কুলত ৰাষ্ট্ৰীয় খাদ্য সুৰক্ষা আঁচনিৰ চাউল বিতৰণক কেন্দ্ৰ কৰি সোমবাৰে উত্তপ্ত পৰিস্থিতিৰ সৃষ্টি হয় ।

পঞ্চায়তৰ সভাপতি ঝোমা বিশ্বাস, সদস্য উষ্মান আলি আৰু সম্পাদক গুলজাৰ হুছেইনে ৰাষ্ট্ৰীয় খাদ্য সুৰক্ষা আঁচনিৰ তালিকাত নাম অন্তৰ্ভুক্ত কৰাৰ বিনিময়ত হিতাধিকাৰীৰ পৰা 5 টকাকৈ সংগ্ৰহ কৰাৰ অভিযোগ উত্থাপন কৰিছে একাংশ লোকে ৷ লগতে ৰেচন কাৰ্ড নথকা লোকৰ পৰিৱৰ্তে অধিকাংশ ৰেচন কাৰ্ড থকা লোকে আঁচনিৰ চাউল লাভ কৰা বুলিও অভিযোগ কৰে ৰাইজে ৷

ইমানেই নহয় 5 কিল'গ্ৰাম চাউলৰ বিপৰীতে হিতাধিকাৰীক 4 কিল'গ্ৰাম চাউল বিতৰণ কৰি এক কিল'গ্ৰাম চাউল আত্মসাৎ কৰা বুলি অভিযোগ কৰে একাংশ হিতাধিকাৰীয়ে ৷ সেয়ে ঘটনাক কেন্দ্ৰ কৰি ৰাইজে পঞ্চায়ত প্ৰতিনিধিৰ বিৰুদ্ধে হোজাই থানাত এজেহাৰ দাখিল কৰা বুলি জানিবলৈ দিয়ে ।