হোজাই,10 নৱেম্বৰঃকামপুৰ লংজাপ পাহাৰৰ পৰা সোমবাৰে নিশা বাগৰি পৰিল এটা বন্য হস্তীৰ পোৱালী ৷ মাতৃৰ লগত নিশা খাদ্যৰ সন্ধানত অহা এমহীয়া হাতী পোৱালীটো জাকৰ মাজৰ পৰা হঠাৎ পাহাৰৰ তললৈ বাগৰি পৰে ৷ পুৱা স্থানীয় লোকে আহত হাতী পোৱালিটো উদ্ধাৰ কৰি বন বিভাগক খৱৰ দিয়ে ৷ শুৰ আৰু মূৰত আঘাত পাইছে হাতী পোৱালিটোৱে ৷
কামপুৰত লংজাপ পাহাৰৰ পৰা বাগৰি পৰিল এটা হাতী পোৱালী ইপিনে ঘটনাস্থলীত বন বিভাগৰ লোক উপস্থিত হৈছে যদিও এই পৰ্যন্ত চিকিৎসক উপস্থিত হোৱা নাই ৷ স্থানীয় ৰাইজে প্ৰতিপালন কৰিছে কণমানি হাতী পোৱালীটোক ৷ উল্লেখ্য যে,লংজাপ পাহাৰৰ পৰা প্ৰায়েই খাদ্যৰ সন্ধানত বন্য হস্তীৰ বৃহৎ জাক নামি আহে ৷ সেমবাৰে নিশাও এনেদৰে খাদ্যৰ সন্ধানত নামি আহোতেই হঠাৎত পাহাৰৰ ওপৰৰ পৰা বন্য হস্তীৰ পোৱালিটো বাগৰি পৰিছিল ৷
লগতে পঢ়কঃ অতি শীঘ্ৰেই বিজেপিত যোগ দিব সাংসদ বিশ্বজিৎ দৈমাৰীয়ে
