হোজাই, 4 মেঃ হোজাইৰ লামডিং জি আৰ পিয়ে শুকুৰবাৰে ৪৯ লাখ ৯৮ হাজাৰ টকাসহ আটক কৰে দুগৰাকী মহিলাক ৷ উজনিমুৱা গুৱাহাটী-ডিমাপুৰ বিজি এস্কপ্ৰেছৰ সাধাৰণ শ্ৰেণীৰ এটি দবাৰ পৰা জব্দ কৰা হয় এই বৃহৎ ধনৰাশি ৷ জি আৰ পিৰ নিয়মীয়া তালাচীত দুগৰাকী মহিলাসহ জব্দ কৰা হয় টকাখিনি ৷
আটকাধীন মহিলা দুগৰাকী কোচবিহাৰৰ গায়ত্ৰী হালদাৰ আৰু আৰতি হালদাৰ বুলি জানিব পৰা গৈছে। মহিলা দুগৰাকীৰ ভাষ্য মতে, তেওঁলোকে এই ধনখিনি ব্যৱসায়ৰ উদ্দেশ্যৰে বোকাজানলৈ লৈ গৈ আছিল ৷ পৃথকে পৃথকে চাৰিটা পেকেট কৰি মোনাত কাপোৰৰ মাজত ভৰাই লৈ গৈ থকা অৱস্থাত জি আৰ পিৰ জালত পৰে মহিলাদুগৰাকী ৷ আনহাতে, এই ধনখিনিৰে নিচাঁজাতীয় সামগ্ৰী অথবা অন্য অবৈধ সামগ্ৰী ক্ৰয় কৰিবলৈ লৈ যোৱাৰ সন্দেহ আৰক্ষীৰ ৷
