হোজাইত উদ্ধাৰ গোৱালপাৰাৰ অসহায় বৃদ্ধা

হোজাই জিলাত দেওঁবাৰে উদ্ধাক কৰা হয় এগৰাকী 62 বছৰীয়া অসহায় মহিলা ৷ মহিলা গৰাকীয়ে নিজকে গোৱালপাৰা জিলাৰ বাসিন্দা বুলি পৰিচয় দিছে ৷ বৰ্তমান মহিলা গৰাকীক ডবকাৰ এখন আশ্ৰয় গৃহলৈ প্ৰেৰণ কৰা হৈছে ৷

হোজাই, 10 মে' : লক্ ডাউনৰ মাজতে হোজাই জিলাৰ মোৰাঝাৰৰ ৰহমতনগৰত উদ্ধাৰ এগৰাকী 62 বছৰীয়া অসহায় মহিলা ৷ গাওঁৰক্ষী বাহিনী আৰু মোৰাঝাৰ আৰক্ষীৰ সহযোগত হোজাই জিলা আইনসেৱা প্ৰাধিকৰণে উদ্ধাৰ কৰে মহিলাগৰাকীক ৷ উদ্ধাৰ কৰা মহিলা গৰাকীয়ে নিজকে গোৱালপাৰা জিলাৰ সোনাৰী থানাৰ অন্তৰ্গত জাবেদ আলী শ্বেখৰ পত্নী চিমৰ্থ বানু বুলি পৰিচয় দিছে ৷

দেওঁবাৰে হোজাই জিলা আইনসেৱা প্ৰাধিকৰণৰ সম্পাদিকা প্ৰনিতা মৰাঙৰ আহ্বানত মোৰাঝাৰ আৰক্ষী আৰু পেনেল অধিবক্তা ৰোহিনা ৱাৰিছে মহিলাগৰাকীক উদ্ধাৰ কৰি স্বাস্থ্য পৰীক্ষাৰ অন্তত ডবকাৰ এখন আশ্ৰয় গৃহলৈ প্ৰেৰণ কৰিছে ৷

লগতে পঢ়ক : দুই শিক্ষকৰ প্ৰচেষ্টাত লক্ ডাউনৰ মাজতে অব্যাহত আছে পাঠদান