হোজাইত উদ্ধাৰ 16 বছৰীয়া কিশোৰী

হোজাইৰ কাকীত চাইল্ড লাইনৰ তৎপৰতাত উদ্ধাৰ এগৰাকী ১৬ বছৰীয়া কিশোৰী ৷ কিশোৰীগৰাকীক বৰ্তমান নগাঁওলৈ প্ৰেৰণ কৰা হৈছে ৷

হোজাই,26অক্টোবৰ :শনিবাৰে হোজাই জিলাৰ কাকীৰ টঙীয়াত উদ্ধাৰ হয় এগৰাকী 16 বছৰীয়া কিশোৰী ৷ কিশোৰীগৰাকীক চাইল্ড লাইনৰ কৰ্মকৰ্তাই কাকী আৰক্ষীৰ সহযোগত উদ্ধাৰ কৰে ৷

উল্লেখ্য যে, কাকীৰ টঙীয়াৰ ছাদ্দাম হুছেইন নামৰ এজন যুৱকে দুদিন পূৰ্বে মোৰাঝাৰৰ শিবপুৰৰ পৰা কিশোৰীগৰাকীক বিয়া কৰোৱাৰ উদ্দেশ্যৰে পলুৱাই আনিছিল ৷ ইয়াৰ পাছতে চাইল্ড লাইনে কিশোৰীগৰাকীৰ খবৰ পাই ছাদ্দামৰ বাসগৃহৰ পৰা কিশোৰীগৰাকীক উদ্ধাৰ কৰে যদিও পলায়ন কৰে ধৃত ছাদ্দামে ৷ কিশোৰী গৰাকীক চাইল্ড লাইনে উদ্ধাৰ কৰি প্ৰথমে কাকী আৰক্ষী থানালৈ লৈ যায় আৰু পৰৱৰ্তী সময়ত নগাঁওলৈ প্ৰেৰণ কৰে | ইফালে, আমছুৱেও এই ঘটনা সন্দৰ্ভত কাকী আৰক্ষীৰ ওচৰ চাপিছিল বুলি কাকী আৰক্ষীয়ে জানিবলৈ দিয়ে | বৰ্তমান কাকী আৰক্ষীয়ে ঘটনা সন্দৰ্ভত অভিযুক্ত ছাদ্দামক বিচাৰি অভিযান অব্যাহত ৰাখিছে ৷