হোজাই,17 নৱেম্বৰ:ধ্বংসৰ গৰাহত হোজাই জিলাৰ লামডিং বনাঞ্চলৰ চৰকাৰী মাটি । বৰ্তমান অসমৰ বিভিন্ন প্ৰান্তৰ লগতে সন্দেহযুক্ত নাগৰিকৰ বসতি স্থল হৈ পৰিছে এই লামডিং বনাঞ্চল । নখুটি বিট অফিচৰ পৰা প্ৰায় দহ কিলোমিটাৰ নিলগৰ ঘন জংঘলৰ মাজত স্থাপন হৈছে প্ৰায় তিনিশ ঘৰ পৰিয়াল ৷ ইয়াৰ লগতে স্থাপন হৈছে এখন বৃহৎ বজাৰ । অঞ্চলটোৰ একাংশ লোকে বনাঞ্চল খনৰ প্ৰতি বিঘা মাটি দুইৰ পৰা পাঁচ হাজাৰ টকাত বিক্ৰী কৰিছে বহু সন্দেহযুক্ত নাগৰিকক ৷ বৰ্তমানলৈ প্ৰায় তিনিশটা পৰিয়ালক ভূ-মাফিয়াই বনাঞ্চলখনৰ মাটি বিক্ৰী কৰা বুলি প্ৰকাশ কৰে বনাঞ্চল খনত বাস কৰা একাংশ লোকে ৷
লামডিং বনাঞ্চলত সন্দেহযুক্ত নাগৰিকৰ বজাৰ
বনাঞ্চলত বাস কৰা একাংশ লোকে প্ৰকাশ কৰা অনুসৰি,কোনো তথ্য নোহোৱাকৈ ভূ-মাফিয়াই বিক্ৰী কৰিছে বনাঞ্চল খনৰ মাটি ৷ একাংশই আকৌ নিজ ইচ্ছাৰে গছ-গছনি কাটিছে আৰু বাস কৰিছে ৷