হোজাইত কেবালক্ষাধিক টকাৰ চেগুণ কাঠ জব্দ

গোপন সূত্ৰৰ ভিত্তিত চলোৱা এই অভিযানৰ সময়ত হোজাইৰ ২নং কাকী টিলাবজাৰ অঞ্চলৰ পৰা ৮০ চেফ্টি চেগুণ কাঠৰ কুণ্ডা জব্দ কৰিবলৈ সক্ষম হয় বন বিভাগৰ দলটো ৷ বৃস্পতিবাৰে পুৱা জব্দ হোৱা কাঠ সমূহৰ মূল্য কেবা লক্ষাধিক টকা হ'ব বুলি প্ৰকাশ কৰিছে বন বিভাগৰ সূত্ৰই ৷

হোজাই,31 অক্টোবৰঃহোজাই জিলাৰ কাকীত বন বিভাগৰ অভিযান ৷ বৃহস্পতিবাৰে পুৱাৰ ভাগত চলোৱা এই অভিযানত জব্দ হয় লক্ষাধিক টকা মূল্যৰ চেগুণ কাঠ ৷ গোপন সূত্ৰৰ ভিত্তিত চলোৱা এই অভিযানৰ সময়ত হোজাইৰ ২নং কাকী টিলাবজাৰ অঞ্চলৰ পৰা ৮০ চেফ্টি চেগুণ কাঠৰ কুণ্ডা জব্দ কৰিবলৈ সক্ষম হয় বন বিভাগৰ দলটো ৷ অৱশ্যে বন বিভাগৰ এই অভিযানত কোনো লোকক আটক কৰিবলৈ সক্ষম নহ'ল অভিযানকাৰী দলটো ৷

জব্দ হোৱা লক্ষাধিক টকা মূল্যৰ চেগুণ কাঠখিনি

উল্লেখ্য যে, হোজাইৰ বিভিন্ন অঞ্চলত চোৰাং কাঠৰ অবৈধ বেহা চলি থকাৰ অভিযোগ দীৰ্ঘদিনীয়া ৷ বন বিভাগে মাজে সময়ে অভিযান চলাই আহিছে যদিও প্ৰায়ে বন বিভাগৰ চকুত ধূলি দি চোৰাং ব্যৱসায়ীয়ে মূল্যৱান কাঠ সৰবৰাহ কৰি থকাৰ অভিযোগ উত্থাপন হৈছিল ৷ বৃস্পতিবাৰে পুৱা জব্দ হোৱা কাঠ সমূহৰ মূল্য কেবা লক্ষাধিক টকা হ'ব বুলি প্ৰকাশ কৰিছে বন বিভাগৰ সূত্ৰই ৷ পিচত জব্দকৃত কাঠৰ কুণ্ডাসমূহ কাকী আঞ্চলিক বন বিভাগৰ কাৰ্যালয়লৈ লৈ যায় ৷

লগতে পঢ়কঃ উৎকোচ নিদিলে প্ৰাপ্য সুবিধাৰ পৰাও বঞ্চিত হয় প্ৰতিবন্ধী !!