হোজাই, 6 ডিচেম্বৰ: অৱশেষত ক্ষমা খুজিলে সাংবাদিকক দুৰ্ব্যৱহাৰ কৰি বন বিভাগক লজ্জানত কৰা কাকী আঞ্চলিক বন বিষয়া মনোজ শৰ্মাই ৷ কিছুদিন পূৰ্বে এটা ৱেব পৰ্টেলত তেওঁৰ বিৰুদ্ধে কাৰ্যালয়ত মদ্যপান কৰি থকা এক বাতৰি সম্প্ৰচাৰ হোৱাৰ পাছতে তেওঁ ফোনযোগে প্ৰাণে মৰাৰ ভাবুকি দিছিল সেই বাতৰিটো পৰিৱেশন কৰা সাংবাদিক গৌতম মেছক ৷ আনকি মেছৰ পত্নীকো বন বিষয়া গৰাকীয়ে দিছিল অশ্লীল প্ৰস্তাৱ ৷ এই ঘটনাৰ পাছতে বৃহত্তৰ কাকী অঞ্চলৰ সচেনত মহলত তীব্ৰ প্ৰতিক্ৰিয়াৰ সৃষ্টি হৈছিল ৷ অভিযুক্ত বনবিষয়া গৰাকীয়ে সাংবাদিক গৌতম মেছৰ বিৰুদ্ধে কাকী থানাত এক গোচৰো ৰুজু কৰিছিল ৷
কাকীত বন বিষয়াৰ সাংবাদিক অভব্য আচৰণ: ক্ষমা বিচাৰিলে অভিযুক্ত বনবিষয়াই