হোজাই, 10 ফেব্ৰুৱাৰীঃ দেওবাৰে সামৰণি পৰে হোজাইৰ বাণীকান্ত কাকতি ক্ষেত্ৰ সাহিত্য ৰথী বেজবৰুৱা ভৱনত দুদিনীয়া কাৰ্যসূচীৰে অনুষ্ঠিত হোৱা জিলা সাহিত্য সভাৰ প্ৰথম পূৰ্ণাংগ অধিৱেশন । এই সামৰণি অনুষ্ঠানত উপস্থিত থাকে অসম সাহিত্য সভাৰ নৱ নিৰ্বাচিত সভাপতি কুলধৰ শইকীয়া , প্ৰধান সম্পাদক যাদৱ শৰ্মাৰ লগতে প্ৰাক্তন সভাপতি ৰংবং তেৰাং ৷
নৱ নিৰ্বাচিত সভাপতি আৰু সম্পাদকে নতুন বজাৰ স্থিত নামঘৰত সেৱা লোৱাৰ পিছতে গায়ন বায়নেৰে আদৰি লৈ যোৱা হয় ৷ পিছত অধিৱেশন স্থলীৰ প্ৰৱেশ গেটত বিভিন্নজনে সম্বৰ্ধনা জনায় সভাপতি আৰু সম্পাদকগৰাকীক । অধিৱেশনৰ মুকলি সভাত সভাপতি, সম্পাদকে ভাষণত ভাষা সংস্কৃতিক জীয়াই ৰখাৰ ওপৰত অধিক গুৰুত্ব প্ৰদান কৰিব বুলি ব্যক্ত কৰে । ইপিনে উক্ত সভাতে ৰংবং তেৰাংলৈ প্ৰদান কৰা হয় জিলা সাহিত্য সভাৰ প্ৰয়াত দুলাল শৰ্মা প্ৰজ্ঞা বঁটা ।
TAGGED:
প্ৰথম পূৰ্ণাংগ অধিৱেশন