হোজাই, 14 মে' : হোজাই জিলাত যান-বাহনৰ চলাচলৰ ক্ষেত্ৰত নতুন নীতি-নিৰ্দেশনা জাৰি কৰিছে জিলা উপায়ুক্তই । হোজাই জিলাত ক্ৰমবৰ্ধমান ক'ভিড-১৯ ত আক্ৰান্তৰ প্ৰতি লক্ষ্য ৰাখি আৰু অসম চৰকাৰৰ শেহতীয়া নিৰ্দেশ মৰ্মে হোজাই জিলাৰ উপায়ুক্ত সদনেক সিঙে হোজাই জিলাত যান-বাহন চলাচলৰ ক্ষেত্ৰত এক আদেশ জাৰি কৰিছে । আদেশ অনুসৰি বাহন চলাচলৰ ক্ষেত্ৰত পঞ্জীয়ন নম্বৰৰ শেষ সংখ্যাৰ যুগ্ম-অযুগ্ম নম্বৰ ব্যৱহাৰ কৰা হ’ব ৷
হোজাই জিলাত যান বাহনৰ চলাচলক লৈ নতুন নিৰ্দেশনা জাৰি আৰু সেইমতে যুগ্ম-অযুগ্ম সংখ্যাৰ বাহন 14 মে'ৰ পুৱা ৫ বজাৰ পৰা দিনৰ ২ বজালৈ চলাচল কৰিব পাৰিব । অৱশ্যে এই ব্যৱস্থাৰ পৰা জৰুৰী আৰু অত্যাৱশ্যকীয় সেৱাত নিয়োজিত যান-বাহন সমূহক ৰেহাই দিয়া হৈছে । এই আদেশ ১৪ মে' ২০২১ তাৰিখৰ পুৱা ৫ বজাৰ পৰা প্ৰযোজ্য হৈছে লগতে পৰৱৰ্তী নিৰ্দেশ নিদিয়া পৰ্যন্ত বলৱৎ থাকিব বুলি জানিবলৈ দিয়ে । সেই অনুসৰি শুকুৰবাৰে পুৱা ৫ বজাৰ পৰা হোজাই আৰক্ষী প্ৰশাসন সষ্টম হৈ পৰা পৰিলক্ষিত হয় ৷
লগতে পঢ়ক :গোৱালপাৰা জিলাৰ ৰংজুলিৰ কুচধোৱাত পথ দুৰ্ঘটনা, নিহত 3
