পলুৱাই নিয়া ১৪ বছৰীয়া নাবালিকাক উদ্ধাৰ

নাবালিকা গৰাকীক মাতৃগৃহত চমজাই দিয়াৰ লগতে চাইল্ড লাইন কৰ্তৃপক্ষই বিষয়টি আদালতৰ ওচৰলৈ লৈ গৈছে ৷

হোজাই, 1 আগষ্টঃ শনিবাৰে হোজাইৰ জিলা আইন সেৱা প্ৰাধিকৰণৰ সহযোগত চাইল্ড লাইনে উদ্ধাৰ কৰে এগৰাকী ১৪ বছৰীয়া নাবালিকা ৷

উল্লেখ্য যে,একেখন গাঁৱৰে এজন নাবালক কিশোৰৰ সৈতে শনিবাৰে পুৱা পলাই গৈছিল নাবালিকাগৰাকী ৷ এই বিষয়ে এক বিশেষ সূত্ৰে লাভ কৰা খবৰৰ ভিত্তিত হোজাই জিলা আইন সেৱা প্ৰাধিকৰণৰ নেতৃত্বত চাইল্ড লাইন আৰু কাকী আৰক্ষীয়ে কিশোৰজনৰ ঘৰৰ পৰা উদ্ধাৰ কৰে নাবালিকাগৰাকীক ৷ বৰ্তমান, নাবালিকাগৰাকীক মাতৃগৃহত চমজাই দিয়াৰ লগতে চাইল্ড লাইন কৰ্তৃপক্ষই সমগ্ৰ বিষয়টি আদালতৰ দৃষ্টিগোচৰ কৰিছে ৷

লগতে পঢ়কঃবাঁহীৰ সুৰৰ দৰে সুৰীয়া নহ'ল অশ্বিনী শইকীয়াৰ জীৱন যাত্ৰা