বহিঃ ৰাজ্যত পথ দুৰ্ঘটনাত মৃত্যু হোজাই শিক্ষকৰ

বহিঃ ৰাজ্যত পথ দুৰ্ঘটনাত পতিত হৈ মৃত্যু ঘটে হোজাই জিলাৰ অন্তৰ্গত লংকা তিনিআলিৰ চাইনিং গ্লৰি স্কুলৰ স্বত্বাধিকাৰ তথা প্ৰধান শিক্ষক নিজাম উদ্দিন

হোজাই, 30 জুলাইঃ বহিঃ ৰাজ্যত এটা পথ দুৰ্ঘটনাত পতিত হৈ মৃত্যু হয় হোজাই জিলাৰ অন্তৰ্গত লংকাৰ নিজাম উদ্দিন নামৰ এজন শিক্ষকৰ ৷ শিক্ষকজনে পৰিয়ালসহ মুম্বাইস্থিত ভাতৃ গৃহলৈ ফুৰিবলৈ গৈছিল ৷ তাৰ পাছতে সোমবাৰে ভাতৃ গৃহৰ পৰা মটৰ চাইকেলেৰে ওলাই আহোতেই দ্ৰুত বেগী এখন ডাম্পাৰে বাইক সহ নিজাম উদ্দিনক মহতিয়াই লৈ যায় আৰু থিতাতে লোকজনৰ মৃত্যু হয় ৷ বৰ্তমান শিক্ষকজনৰ নশ্বৰ দেহ নিজ গৃহলৈ অনাৰ ব্যৱস্থা কৰা হৈছে বুলি লংকাস্থিত পৰিয়ালৰ লোকে জানিবলৈ দিছে ৷ উল্লেখযোগ্য যে, নিজাম উদ্দিন লংকা তিনিআলিৰ চাইনিং গ্লৰি স্কুলৰ প্ৰধান শিক্ষকৰ দায়িত্বত আছিল ৷ শিক্ষকজনৰ মৃত্যুত অঞ্চলজুৰি শোকৰ ছাঁ পৰিছে ৷