হোজাই,12 মাৰ্চঃ শিলাদিত্য দেৱৰ বাসগৃহত উপস্থিত ড০ হিমন্ত বিশ্ব শৰ্মাৰ লগতে বিজেপিৰ ৰাষ্ট্ৰীয় সাধাৰণ সম্পাদক দিলীপ কুমাৰ শইকীয়া ৷ বিজেপিৰ পৰা টিকট বঞ্চিত হৈ নিৰ্দলীয়ভাৱে নিৰ্বাচন খেলাৰ সিদ্ধান্ত লৈছিল যদিও শুকুৰবাৰে আলোচনাৰ পিছত সিদ্ধান্ত সলনি কৰে শিলাদিত্যই। হিমন্ত বিশ্ব শৰ্মাৰে আলোচনাত মিলিত হোৱাৰ পিছত এই স্থিতি গ্ৰহণ কৰে দলৰ পৰা পদত্যাগ কৰিব বিচৰা শিলাদিত্য দেৱে।
উল্লেখযোগ্য যে, ৰাজ্যত নিৰ্বাচন সমাগত। এই সময়চোৱাত প্ৰকাশ হৈছে প্ৰতিটো দলৰ নিৰ্বাচনৰ প্ৰাৰ্থী তালিকা। ইয়াৰ মাজতে বিজেপিৰ টিকটৰ পৰা বঞ্চিত হৈছিল হোজাইৰ বিধায়ক শিলাদিত্য দেৱ । দলীয় টিকটৰ পৰা বঞ্চিত হৈ নেতাগৰাকীয়ে দল ত্যাগ কৰাৰ কথা ঘোষণা কৰিছিল। এই সন্দৰ্ভত আজি হিমন্ত বিশ্ব শৰ্মা, শিলাদিত্য দেৱে এক সংবাদমেল সম্বোধন কৰে । সংবাদমেল সম্বোধন কৰি হিমন্ত বিশ্ব শৰ্মাই কয়, শিলাদিত্য দেৱ আগতেও ভাৰতীয় জনতা পাৰ্টীৰ এজন কাৰ্যকৰ্তা আছিল, এতিয়াও আছে আৰু সদাই থাকিব ইয়াত কোনো সন্দেহ নাই । শিলাদিত্যই সমগ্ৰ ৰাজ্যতে ভাৰতীয় জনতা পাৰ্টীৰ হৈ নিৰ্বাচনী প্ৰচাৰৰ দায়িত্বত থাকিব। হোজাই আৰু লামডিঙটো তেওঁ ভাৰতীয় জনতা পাৰ্টীৰ প্ৰাৰ্থীৰ হৈ নিৰ্বাচনী প্ৰচাৰ চলাব ।