ৰেলত গাঞ্জা কঢ়িয়াই নিয়া মহিলাসহ বৃহৎ পৰিমানৰ গাঞ্জা উদ্ধাৰ

এখন যাত্ৰীবাহী ৰেলৰ পৰা হোজাই ৰেল ষ্টেচনত উদ্ধাৰ কৰা হ’ল বৃহৎ পৰিমানৰ গাঞ্জা ৷ জানো আহক তিনি গৰাকী মহিলাই কৌশলেৰে কঢ়িয়াই নিয়া গাঞ্জা কেনেকৈ উদ্ধাৰ কৰিলে আৰক্ষীয়ে ৷

হোজাই, 19 আগষ্ট : বৃহস্পতিবাৰে, হোজাই ৰেল ষ্টেচন( Hojai train staion )ত এখন যাত্ৰীবাহী ৰেলৰ পৰা জব্দ কৰা হ’ল বৃহৎ পৰিমানৰ গাঞ্জা( weed ) । বৃহস্পতিবাৰৰ সন্ধিয়া হোজাই ৰেল ষ্টেচনত এখন ৰেলৰ পৰা জব্দ কৰা হ’ল বৃহৎ পৰিমানৰ গাঞ্জা । বিশেষ সূত্ৰৰ পম খেদি হোজাই আৰক্ষী আৰু ৰেল আৰক্ষীয়ে নামনীমুৱা অবধ আছাম এক্সপ্ৰেছ( Abodh Assam express )ত যাত্ৰা কৰা তিনি গৰাকী মহিলাৰ পৰা জব্দ কৰে প্ৰায় ১৮ কেজি ৮০০গ্ৰাম গাঞ্জা ৷

আটকাধীন মহিলা কেইগৰাকীৰ নাম ক্ৰমে শকুন্তলা ৰাজবংশী, ৰুবি বিবি আৰু ৰানু দাস বুলি জানিব পৰা গৈছে ৷ মহিলা তিনি গৰাকীয়ে সৰুপথাৰ পৰা নিউ জলপাই গুৰিলৈ গাঞ্জা খিনি লৈ গৈ আছিল বুলি আৰক্ষীয়ে জানিবলৈ দিছে । বৰ্তমান হোজাই আৰক্ষীয়ে তিনিও গৰাকী মহিলাক আটক কৰি হোজাই আৰক্ষী থানা( Hojai police station )ত জেৰা অব্যাহত ৰাখিছে । উল্লেখযোগ্য যে, বিগত তিনিমাহ ধৰি অসম আৰক্ষীয়ে ড্ৰাগছ তথা অবৈধ নিচাযুক্ত সামগ্ৰী(illegal intoxicating elements)ৰ বিৰুদ্ধে তীব্ৰৰ পৰা তীব্ৰতৰ ৰূপত অভিযান চলাইছে ৷

উল্লেখযোগ্য যে, বিগত তিনিমাহ ধৰি অসম আৰক্ষীয়ে ড্ৰাগছ তথা অবৈধ নিচাযুক্ত সামগ্ৰী(illegal intoxicating elements)ৰ বিৰুদ্ধে তীব্ৰৰ পৰা তীব্ৰতৰ ৰূপত অভিযান চলাইছে ৷ ইতিমধ্যে, অসম আৰক্ষীয়ে এই সন্দৰ্ভত অভিলেখ গঢ়ি তুলিবলৈ সক্ষম হোৱা বুলি ৰাইজৰ সহাঁৰি লাভ কৰিছে ৷ মুখ্যমন্ত্ৰী ড৹ হিমন্ত বিশ্ব শৰ্মা (CM Himanta Bishwa Sarma)ই ৰাজ্যৰ শাসন ভাৰ লাভ কৰাৰে পৰা আৰক্ষীয়ে এই সফলতা লাভ কৰা বুলিও ৰাইজৰ একাংশই মত পোষণ কৰিছে ৷

লগতে পঢ়ক :কাৰ্যালয়ত কৰ্মচাৰী নাই; মন্ত্ৰীয়ে কৰ্তন কৰিলে এদিনৰ দৰমহা