হোজাইৰ আদৰ্শপল্লীত ভয়ংকৰ অগ্নিকাণ্ড

অসাৱধানতাৰ বাবে হোজাই জিলাৰ আদৰ্শপল্লী ৯ নং ৱাৰ্ডৰ এটা পৰিয়ালৰ ৫টাকৈ ঘৰ জুইত জাহ গ'ল । অগ্নিকাণ্ডৰ ফলত পৰিয়ালটোৰ ঘৰৰ ভিতৰত থকা বিভিন্ন সামগ্ৰী জ্বলি যোৱাৰ লগতে দহ লক্ষাধিক টকাৰ সা-সম্পত্তি নষ্ট হোৱা বুলি জানিব পৰা গৈছে ।

হোজাই,২৫ মাৰ্চ: হোজাই জিলাৰ আদৰ্শপল্লী ৯ নং ৱাৰ্ডত বৃহস্পতিবাৰে এক বিধ্বংসী অগ্নিকাণ্ড সংঘটিত হয় । অসাৱধানতাৰ বাবে একেলগে জুইত জাহ গ'ল এটা পৰিয়ালৰ ৫ টাকৈ ঘৰ। জানিব পৰা মতে চোতালত আৱৰ্জনা জ্বলোৱাৰ সময়তে ঘৰলৈ জুই বিয়পি পৰে । ফলত সুনীল দাসৰ লগতে চাৰিগৰাকী ভাতৃৰ বাসগৃহ সম্পূৰ্ণৰূপে জ্বলি নিঃশেষ হয় ।

অগ্নিকাণ্ডৰ ফলত ঘৰৰ ভিতৰত থকা বিভিন্ন সামগ্ৰী জ্বলি যোৱাৰ লগতে দহ লক্ষাধিক টকাৰ সা-সম্পত্তি নষ্ট হোৱা বুলি জানিব পৰা গৈছে । উক্ত স্থানত অগ্নি নিৰ্বাপক বাহিনী উপস্থিত হৈ জুই নিৰ্বাপন কৰিবলৈ সক্ষম হয় ।

লগতে পঢ়ক:অন্তিম দিনৰ প্ৰচাৰত ব্যস্ত মিত্ৰজোঁটৰ প্ৰাৰ্থী কেশৱ মহন্ত