হোজাইত গ্ৰেপ্তাৰ নিচাজাতীয় টেবলেট সৰবৰহকাৰী

হোজাই ৰে'ল ষ্টেচনৰ পৰা জি আৰ পি আৰক্ষীয়ে গ্ৰেপ্তাৰ কৰে ধৃত সৰবৰহকাৰীজনক

হোজাই, 15মাৰ্চঃ হোজাইত আটক নিচাজাতীয় টেবলেট সৰবৰাহকাৰী ৷ হোজাই ৰে'ল ষ্টেচনৰ পৰা তহলদাৰী জি আৰ পি আৰক্ষীয়ে নিচাজাতীয় টেবলেট সহ গ্ৰেপ্তাৰ কৰে সৰবৰাহকাৰীজনক । নিচাজাতীয় সামগ্ৰী সৰবৰাহকাৰীজন মৈৰাবাৰীৰ জাকিৰ হুচেইন বুলি জানিব পৰা গৈছে । ধৃত জাকিৰে নিচাজাতীয় টেবলেট খিনি ডিমাপুৰৰ অনা বুলি আৰক্ষীৰ ওচৰত ভাষ্য প্ৰদান কৰে । ইপিনে আৰক্ষীৰ মতে ধৃত জাকিৰে চলন্ত ৰে'লত যাত্ৰীক নিচাজাতীয় টেবলেট খুওৱাই বহু দিন ধৰি চলাই আহিছিল লুটপাত ৷ সম্প্ৰতি আৰক্ষীয়ে লামডিংআৰক্ষীথানাত অভিযুক্ত জাকিৰৰ ওপৰত অব্যাহত ৰাখিছে মাৰাথন জেৰা ।