লাঠিৰে কোবাই কোবাই নৃশংসভাৱে হত্যা যুৱকক

বুধবাৰে হোজাই জিলাৰ মোৰাঝাৰ থানাৰ অন্তৰ্গত উত্তৰ চামৰালি গাঁৱত সংঘটিত হৈছে এটা জঘন্য হত্যাকাণ্ডৰ ঘটনা ৷ লাঠিৰে কোবাই কোবাই অতি নৃশংসভাৱে হত্যা কৰা হ’ল আব্দুল বাচিত নামৰ যুৱকজনক ৷ হত্যাৰ কাৰণো আছিল আশ্চৰ্যজনক ৷

হোজাই, 14মে’:হোজাই জিলাৰ মোৰাঝাৰ থানাৰ অন্তৰ্গত উত্তৰ চামৰালি গাঁৱত বুধবাৰে সংঘটিত হৈছে জঘন্য হত্যাকাণ্ডৰ ঘটনা ৷ লাঠিৰে কোবাই কোবাই অতি নৃশংসভাৱে ভাৱে হত্যা কৰা হ’ল আব্দুল বাচিত নামৰ যুৱক জনক ৷ অভিযোগ মতে, আব্দুল বাচিতৰ ভাগিনীয়েকক বুধবাৰে অশ্লীল ইংগিত দিছিল স্থানীয় কেইজনমান উদণ্ড যুৱকে ৷ যাৰ বাবে মোমায়েক আব্দুল বাচিতে সোধপোছ কৰিবলৈ উদণ্ড লোককেইজনৰ কাষলৈ যায় ৷ সেই সময়তে ১৪ জনকৈ উদণ্ড লোকে লাখুটিৰে কোবাই কোবাই তথা দা, ডেগাৰেৰে আক্ৰমণ কৰি হত্যা কৰে মোমায়েক আব্দুল বাচিতক ৷

ইপিনে ঘটনা সংক্ৰান্তত ১৪ জন লোকক অভিযুক্ত কৰি চৌধুৰী বজাৰ টহলদাৰী আৰক্ষী পহৰা চকীত পৰিয়ালৰ লোকে এজাহাৰ দাখিল কৰিছে ৷ উল্লেখযোগ্য যে, এই হত্যাকাণ্ডত নাম সাঙোৰ খাইছে ২ নং উত্তৰ চামৰাালি গাঁৱৰ চৰকাৰী গাঁওবুঢ়া ফইজ উদ্দিনৰ ৷ চৌধুৰীবজাৰ আৰক্ষীয়ে গাঁওবুঢ়াজনক আটক কৰি মোৰাজাৰ থানাত সোধপোছ অব্যাহত ৰখাৰ সময়তে ঘটনাটোৰ সৈতে জড়িত থকাৰ কথা অস্বীকাৰ কৰিছে গাঁওবুঢ়াজনে ৷ সম্প্ৰতি এই জঘন্য ঘটনাৰ পাছতেই অঞ্চলজুৰি সৃষ্টি হৈছে তীব্ৰ চাঞ্চল্যৰ ৷ আৰক্ষীয়ে হত্যাকাৰী কেইটাক আটক কৰিবলৈ চলাইছে তীব্ৰ অভিযান ৷লগতে পঢ়কঃ টিংখাঙৰ ঐতিহাসিক যুৰীয়া আই থানত আশীষ ললে মন্ত্ৰী বিমল বড়াই