জুৱাত অংশগ্ৰহণ কৰা শিক্ষকৰ বিৰুদ্ধে গোচৰ

হোজাইত টেট শিক্ষকৰ বিৰুদ্ধে গোচৰ ৰুজু ৷ জুৱাত অংশগ্ৰহণ কৰা ভিডিঅ’ ভাইৰেল হোৱাৰ পিছতেই গোচৰ ৰুজু এজন ছাত্ৰ নেতাৰ ৷

হোজাই,18 এপ্ৰিল:হোজাইত জুৱা খেলত অংশগ্ৰহণ কৰা এগৰাকী টেট শিক্ষকৰ বিৰুদ্ধে গোচৰ ৰুজু এজন ছাত্ৰ নেতাৰ ৷ নীলবাগান আৰক্ষী চকীত টেট শিক্ষক অজিত দাসৰ বিৰুদ্ধে গোচৰ ৰুজু কৰে সদৌ অসম খিলঞ্জীয়া ছাত্ৰ সন্থাৰ বিষয়-ববীয়াই ৷ শিক্ষকতা বৃত্তিক কলংকিত কৰি মুকলিকৈ জুৱা খেলত অংশগ্ৰহণ কৰা শিক্ষক গৰাকীৰ বিৰুদ্ধে সৰৱ হৈ পৰে স্থানীয় ৰাইজৰ লগতে একাংশ দল-সংগঠন ৷

অজিত দাসে দুদিন পূৰ্বে হোজাইৰ পূৱ নন্দলালপুৰত নিশা অনুষ্ঠিত ঝাণ্ডি-মুণ্ডা খেলত অংশগ্ৰহণ কৰাৰ ভিডিঅ’ ভাইৰেল হৈ পৰাৰ পিছতে শিক্ষকজনৰ বিৰুদ্ধে সৰৱ হৈ পৰে দল-সংগঠনৰ লগতে স্থানীয় ৰাইজ ৷ হোজাইত সক্ৰিয় হৈ পৰা বৃহৎ জুৱাৰীৰ চক্ৰটোক উৎখাত কৰিবলৈ আৰক্ষীয়ে তীব্ৰ অভিযান আৰম্ভ কৰিছে ৷

লগতে পঢ়ক :কৃত্ৰিম বানৰ কবলত উত্তৰ গুৱাহাটী