চিপ লোৱা অৱস্থাত উদ্ধাৰ বেংক মেনেজাৰৰ মৃতদেহ

হোজাইত চিপ লৈ থকা অৱস্থাত উদ্ধাৰ বেংক মেনেজাৰৰ মৃতদেহ ৷ অবিবাহিত মৃত মেনেজাৰ গৰাকীৰ কোঠাৰ পৰা আৰক্ষীয়ে টোপনিৰ টেবলেট উদ্ধাৰ কৰিছে ৷

হোজাই, 11 নবেম্বৰ : হোজাইত বেংক মেনেজাৰৰ মৃতদেহ উদ্ধাৰ । চিপ লৈ ওলমি থকা অৱস্থাত উদ্ধাৰ হৈছে পাঞ্জাৱ নেশ্যনেল বেংকৰ মেনেজাৰ মৃদুল দাস । ৰহস্যজনক অৱস্থাত মেনেজাৰৰ মৃতদেহ উদ্ধাৰক লৈ সৃষ্টি হৈছে চাঞ্চল‍্যৰ । হোজাইৰ গোবিন্দপল্লীত উদ্ধাৰ কৰা হৈছে বেংক মেনেজাৰজনৰ মৃতদেহ । শোৱনি কোঠাত ওলমি থকা অৱস্থাত উদ্ধাৰ কৰা হৈছে মৃদুল দাসৰ মৃতদেহ ।

গোবিন্দপল্লীৰ সুভাষ বসুৰ ঘৰত ভাড়াতীয়া হিচাপে আছিল মৃত মেনেজাৰ গৰাকী । আগষ্ট মাহত পাঞ্জাৱ নেচনেল বেংকৰ হোজাই শাখাত নিযুক্তি পোৱাৰ পিচৰে পৰা ভাড়াতীয়া হিচাপে থকা মৃত মেনেজাৰ গৰাকীৰ ঘৰ শ্বিলঙত বুলি জনা গৈছে । পৰৱৰ্তী সময়ত হোজাই আৰক্ষী উপস্থিত হৈ গ্ৰীলৰ তলা কাটি কোঠালিত প্ৰৱেশ কৰাৰ পিছত ওলমি থকা অৱস্থাত উদ্ধাৰ কৰে মৃতদেহটো ।

হোজাইত বেংক মেনেজাৰৰ মৃতদেহ উদ্ধাৰ

মৃদুল দাসৰ মৃত্যুৰ প্ৰকৃত কাৰণ জানিব পৰা হোৱা নাই যদিও আৰক্ষীয়ে অব্যাহত ৰাখিছে তদন্ত । অন্যহাতে অবিবাহিত মৃত মেনেজাৰ গৰাকীৰ কোঠাৰ পৰা আৰক্ষীয়ে টোপনিৰ টেবলেট উদ্ধাৰ কৰিছে ।ইতিমধ্যে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে আৰক্ষীয়ে প্ৰেৰণ কৰিছে ।

লগতে পঢ়ক : বৰদোৱাৰ পিচত সংখ্যালঘুৰ টাৰ্গেট শংকৰদেৱ কলাক্ষেত্ৰ : হিমন্ত বিশ্ব শৰ্মা