হোজাই, 26 নৱেম্বৰ : লংকাত অসম শক্তি বিতৰণ কোম্পানীক ব্যক্তিগতকৰণৰ বিৰুদ্ধে অৱস্থান ধৰ্মঘট ৷ দেশজোৰা সাধাৰণ ধৰ্মঘটৰ লগত সংগতি ৰাখি হোজাই জিলাৰ বিদ্যুৎ কৰ্মচাৰী সকলেও লংকা বৈদ্যুতিক খণ্ডৰ কাৰ্যালয়ৰ সম্মুখত অৱস্থান ধৰ্মঘট কাৰ্যসূচী ৰূপায়ন কৰে ৷ কেন্দ্ৰীয় চৰকাৰে নতুন বৈদ্যুতিক নীতিৰ জৰিয়তে ৰাজ্যসমূহৰ বিদ্যুৎখণ্ডক ব্যক্তিগতকৰণৰ যোগেদি বহিৰাগত বনিয়াৰ হাতত গটাই দিয়া কাৰ্যৰ বিৰুদ্ধে প্ৰতিবাদ সাব্য়স্ত কৰে কৰ্মীসকলে ৷
অসম শক্তি বিতৰণ কোম্পানীৰ কৰ্মীসকলৰ অভিযোগ বহিৰাগত বনিয়াৰ হাতত গটাই দিয়াৰ পাছত বিদ্যুৎ মাচুল বৃদ্ধিকে ধৰি, স্থানীয় নিবনুৱাৰ সংখ্যা বৃদ্ধিৰ লগতে, অসমীয়া কৰ্মচাৰীৰ ওপৰত শোষন চলিব ৷ যদিহে কেন্দ্ৰীয় চৰকাৰে এই সিদ্ধান্ত বাতিল নকৰে তেতিয়াহ'লে অনাগত দিনত ভয়াবহ আন্দোলন গঢ়ি তোলাৰ হুংকাৰ প্ৰদান কৰে ৷