লামডিঙত পথ দুৰ্ঘটনাঃ পথৰ ওপৰতে জ্বলিল এখন বিলাসী বাহন

সোমবাৰে লামডিং আৰু লংকা সংযোগী ৫৭ নং ৰাষ্টীয় ঘাইপথটোৰ লামডিং স্থিত এছ টাৰ্ণিঙত সংঘটিত হয় এটা ভয়াৱহ পথ দুৰ্ঘটনা । এখন বাহন আৰু আন এখন মটৰ চাইকেলৰ মুখামুখী  সংঘৰ্ষৰ ফলতেই সংঘটিত হয় দুৰ্ঘটনাটো ৷ অৱশ্যে দুৰ্ঘটনাটোত কোনো লোক হতা-হত নহ'ল যদিওঁ ঘটনাস্থলীতে জ্বলি উঠিল দুৰ্ঘটনাত পতিত হোৱা টাটাৰ সৰু বিলাসী বাহনখন ।

লামডিং,১৭ আগষ্ট: লামডিং আৰু লংকা সংযোগী ৫৭ নং ৰাষ্টীয় ঘাইপথটোৰে AS02V 5056 নম্বৰৰ টাটাৰ এখন বিলাসী বাহন লামডিঙৰ পৰা লংকালৈ গৈ থকা অৱস্থাত লংকাৰ পৰা লামডিঙলৈ আহি থকা বাজাজ এপাচি 180 বাইক খনেৰে মুখামুখি সংঘৰ্ষ হয় । সৌভাগ্যক্ৰমে দুৰ্ঘটনাটোত দুয়োখন বাহনৰে লোক কেইজন কথমপি ৰক্ষা পৰে যদিওঁ ঘটনাস্থলীতে জ্বলি উঠিল দুৰ্ঘটনাত পতিত হোৱা টাটাৰ সৰু বিলাসী বাহনখন ।

অৱশ্যে ঘটনাস্থলীত লামডিং অগ্নি নিৰ্বাপক বাহিনীৰ লোক উপস্থিত বাহনখনৰ অগ্নি নিৰ্বাপন কৰিবলৈ সক্ষম হয় ।