হোজাইৰ মোৰাঝাৰত ভয়ংকৰ পথ দুৰ্ঘটনা: নিহত এজন

মোৰাঝাৰত বৃহস্পতিবাৰৰ সন্ধিয়া এক ভয়ংকৰ পথ দুৰ্ঘটনাক সংঘটিত হয় ৷ দুৰ্ঘটনাটোত এজন বাইক আৰোহী থিতাতে নিহত হয় ৷

হোজাই, 11 ফেব্ৰুৱাৰী :হোজাই জিলাৰ মোৰাঝাৰত বৃহস্পতিবাৰৰ সন্ধিয়া এক ভয়ংকৰ পথ দুৰ্ঘটনাক সংঘটিত হয় ৷ দুৰ্ঘটনাটোত এজন বাইক আৰোহী থিতাতে নিহত হয় ৷ মোৰাঝাৰ নীলবাগান গড়কাপ্তানী পথৰ সমীপৰ সুতাৰপুৰস্থিত ড° জাকিৰ হুছেইন হাইস্কুলৰ সন্মূখত সংঘটিত হয় এই ভয়াবহ পথ দূৰ্ঘটনা।

স্থানীয় লোকে সদৰি কৰা মতে, দুৰ্ঘটনাত নিহত যুৱক জনৰ পৰিচয় বৰ্তমানলৈ জানিব পৰা হোৱা নাই ৷ ঘটনাৰ বিৱৰণ অনুসৰি নীলবাগান পৰা মোৰাঝাৰ অভিমূখে যোৱা এনএল-০৭-জে-৭১৬২ নম্বৰৰন এখন বাইক আৰু বিপৰীত দিশৰ পৰা অহা এএছ-০২-বি-০২৩২ নম্বৰৰ এখন চাৰিচকীয়া বাহনৰ মুখামুখি সংঘৰ্ষৰ ফলত এই দুৰ্ঘটনাটো সংঘটিত হয় ৷

লগতে পঢ়ক: জোনাইত পত্নীক কেৰাচিন ঢালি হত্যাৰ চেষ্টা স্বামীৰ