হোজাই,৫ জুলাই :হোজাই আৰক্ষীৰ বৃহৎ সফলতা । ম'বাইল চোৰৰ বিৰুদ্ধে অভিযান চলাই আৰক্ষীয়ে জব্দ কৰে ৬০ টা ম'বাইল ফোন (Huge amount of smartphone seized in Hojai)। হোজাই জিলাৰ উদালীৰ সিং গাঁৱত আৰক্ষীয়ে চলাইছিল অভিযান ।
উল্লেখ্য যে বিশেষ সূত্ৰৰ পম খেদি হোজাই আৰক্ষী অধীক্ষক বৰুণ পুৰকায়স্তৰ নিৰ্দেশনাত আৰক্ষীয়ে সিং গাঁৱৰ আটিকুৰ ৰহমানৰ ঘৰত অভিযান চলায় । অভিযানত আৰক্ষীয়ে ম'বাইল কেইটা জব্দ কৰিবলৈ সক্ষম হয় (Police seized 60 mobiles in Hojai)। আটিকুৰ ৰহমানৰ পুত্ৰ ইকবাল হুছেইনে মুম্বাইৰ পৰা উদালীৰ সিং গাঁৱৰ নিজ ঘৰলৈ ডাকযোগে পঠাইছিল ম'বাইল কেইটা ।
লংকা আৰক্ষী বিষয়া দূৰ্গা কিঙ্কৰ শৰ্মায়ে জনোৱা মতে মুম্বাইৰ কোনো বিপনীৰ পৰা ইকবালে চুৰি কৰি ঘৰলৈ ম'বাইল কেইটা ঘৰলৈ পঠাইছিল । লগতে চুৰি কৰি অনা ম'বাইল কেইটা ডিমাপুৰত বিক্রী কৰাৰো তেওঁলোকে এক পৰিকল্পনা কৰিছিল বুলি সন্দেহ প্ৰকাশ কৰে । অভিযানত পিতৃ আটিকুৰ ৰহমান আৰু পুত্ৰ ইকবাল হুছেইনক আৰক্ষীয়ে আটক কৰিবলৈ ব্যৰ্থ হয় ।
অৱশ্যে আটিকুল ৰহমানৰ পত্নী হালিমা বেগম আৰু ইকবাল হুছেইনৰ পত্নী নাজিমা চুলতানাক সোধা-পোছাৰ বাবে আৰক্ষীয়ে আটক কৰিছে । জব্দ হোৱা ম'বাইলৰ অনুমানিক বজাৰ মূল্য প্ৰায় ১২ লাখ টকা হ'ব বুলি আৰক্ষীয়ে প্ৰকাশ কৰিছে ।
লগতে পঢ়ক:নলবাৰীৰ লোহাৰকাঠাত ড্ৰাগছসহ সৰবৰাহকাৰী আটক
