চাইল্ড লাইনৰ অভিযানত হোজাইত 16 বছৰীয়া কিশোৰী উদ্ধাৰ

হোজাইৰ পিপলপুখুৰীত চাইল্ড লাইনৰ অভিযান ৷ অভিযানত উদ্ধাৰ 16 বছৰীয়া কিশোৰী ৷ উদ্ধাৰ হোৱা কিশোৰী গৰাকী বিবাহিত ৷ লিটন দাস নাম এগৰাকী ব্যক্তিয়ে 6 মাহ পূৰ্বে কিশোৰী গৰাকীক পলুৱাই আনি বিবাহপাশত আৱদ্ধ হৈছিল ৷

হোজাই, 22 ফেব্ৰুৱাৰী:হোজাই জিলাৰ লংকাৰ 1 নং পিপলপুখুৰীত চাইল্ড লাইনে অভিযান চলাই এগৰাকী 16 বছৰীয়া কিশোৰী উদ্ধাৰ কৰিবলৈ সক্ষম হৈছে ৷ পিপলপুখুৰীৰ লিটন দাস নামৰ এজন লোকৰ ঘৰত অভিযান চলাই চাইল্ড লাইনে কিশোৰী গৰাকীক উদ্ধাৰ কৰে ৷

হোজাইৰ পিপলপুখুৰীত চাইল্ড লাইনৰ অভিযান

প্ৰাপ্ত তথ্য অনুসৰি 16 বছৰীয়া কিশোৰী গৰাকী বিবাহিত ৷ প্ৰায় 6 মাহ পূৰ্বে লামডিঙৰ পৰা কিশোৰী গৰাকীক পলুৱাই আনি লিটন দাস কিশোৰী গৰাকীৰ সৈতে বিবাহপাশত আৱদ্ধ হৈছিল ৷

কিশোৰী গৰাকীক স্বাস্থ্য পৰীক্ষা কৰোৱাৰ পাছত হোজাই চাইল্ড লাইনে কিশোৰী গৰাকীক নগাওঁ CWC কেন্দ্ৰলৈ প্ৰেৰণ কৰে বুলি জানিব পৰা গৈছে ৷

লগতে পঢ়ক:নগাঁও পৰিবহন বিভাগৰ কাৰ্যালয়ত উত্তপ্ত পৰিস্থিতি