হাইলাকান্দি, 22 মাৰ্চ: হাইলাকান্দিত সংঘটিত হৈছে এই ভয়ংকৰ পথ দুৰ্ঘটনা । ৰখাই থোৱা এখন ট্ৰাকত খুন্দা মাৰে এখন অল্ট’ বাহনে ৷ দুৰ্ঘটনাটোৰ ফলত থিতাতে নিহত হৈছে এজন লোক ৷ আনহাতে উক্ত দুৰ্ঘটনাত গুৰুতৰ ভাৱে আঘাতপ্ৰাপ্ত হৈছে ৪ জন লোক । হাইলাকান্দিৰ জানকি বজাৰৰ ১৫৪ নং ৰাষ্ট্ৰীয় ঘাইপথত দেওবাৰে নিশা সংঘটিত হৈছে এই ভয়ংকৰ পথ দুৰ্ঘটনা ৷
ঘটনা সন্দৰ্ভত জানিব পৰা মতে, শিলচৰৰ পৰা হাইলাকান্দি অভিমুখে আহি থকা ML 04 B 8395 নম্বৰ অল্টো বাহনে দ্ৰুত গতিত জানকি বজাৰত ৰখাই থোৱা AS 01 FC 5864 নম্বৰৰ এখন ট্ৰাকত খুন্দা মাৰে । যাৰ ফলতে থিতাতে মৃত্যু হয় অল্ট’ত থকা এজন লোকৰ । লগতে গুৰুতৰভাৱে আহত হয় বাহনখনত থকা আন চাৰিজন লোক । মৃত লোকজন বিষ্ণু অধিকাৰী হিচাপে চিনাক্ত কৰা হৈছে । আহত লোক কেইজন হৈছে সুভৰ দাস চৌধুৰী, বিপ্লব দাস, অশোক সিনহা, মলাই দাস ।