হাইলাকান্দি,22 চেপ্তেম্বৰ:নৰেন্দ্ৰ মোডীয়ে 2014 চনত প্ৰথমবাৰৰ বাবে গ্ৰহণ কৰিছিল প্ৰধানমন্ত্ৰীৰ দায়িত্ব ৷ দায়িত্ব গ্ৰহণৰ পিছত প্ৰধানমন্ত্ৰীগৰাকীয়ে প্ৰতিশ্ৰুতি দিছিল ঘৰে ঘৰে শৌচালয় নিৰ্মাণৰ ৷ এই প্ৰতিশ্ৰুতিৰ ভিত্তিত দেশত আৰম্ভ হৈছিল শৌচালয় নিৰ্মাণৰ কাম ৷ ৰাজ্যতো আৰম্ভ হৈছিল সুলভ শৌচালয় নিৰ্মাণকাৰ্য ৷ কিন্তু ঠায়ে ঠায়ে এই শৌচালয় নিৰ্মাণৰ নামত সংঘটিত হৈছে দুৰ্নীতি ৷ হাইলাকান্দিৰ কাটলিচেৰা সমষ্টিৰ ধলাই মলাই গাঁও পঞ্চায়তত এনে দুৰ্নীতি সংঘটিত হোৱাৰ অভিযোগ উত্থাপন কৰিছে হিতাধিকাৰীসকলে ৷ প্ৰাপ্ত তথ্য অনুসৰি, নিম্ন মানৰ কামৰ বাবে নিৰ্মাণৰ দুমাহৰ পিছতে খহি পৰে শৌচালয়ৰ টেংকি ৷ তদুপৰি শৌচালয় নিৰ্মাণৰ দায়িত্বত ন্যস্ত থকা জন উন্নয়ন ক্লাৱৰ বিৰুদ্ধেও উত্থাপিত হৈছে ধন আত্মসাতৰ অভিযোগ ৷
শৌচালয় নিৰ্মাণত দুৰ্নীতিৰ অভিযোগ