হাইলাকান্দি, 23 জুলাই : পথ নিৰ্মাণৰ দাবীত হাইলাকান্দি জিলাৰ আলগাপুৰ বিধানসভা সমষ্টিৰ উত্তৰ নাৰাইনপুৰৰ বাবুৰবাজাৰত সৃষ্টি হয় উত্তপ্ত পৰিস্থিতিৰ । উত্তৰ নাৰাইনপুৰ গাওঁ পঞ্চায়তৰ সভাপতি এম হিফজুৰ ৰহমান লস্কৰৰ নেতৃত্বত পথ মেৰামতৰ দাবীত স্থানীয় ৰাইজে প্ৰতিবাদ সাব্যস্ত কৰে । আলগাপুৰৰ বিধায়ক হাজি নিজাম উদ্দিন চৌধুৰীৰ নামত মুৰ্দাবাদ ধ্বনি দি পৰিৱেশ উত্তাল কৰি তোলে ৰাইজে । 15 দিনৰ ভিতৰত পথ মেৰামতি কৰি কাম আৰম্ভ কৰিবলৈ ৰাইজে দাবী উত্থাপন কৰে ৷ অন্যথা শিলচৰ বদৰপুৰ ঘাইপথ অৱৰোধৰ হুমকি দিয়ে প্ৰতিবাদী ৰাইজে ।
পথ নিৰ্মাণৰ দাবীৰ ৰাইজৰ প্ৰতিবাদ