হাইলাকান্দি কাণ্ডঃ উপস্থিত অতিৰিক্ত মুখ্য সচিব ৰাজীৱ কুমাৰ বৰা

10 মে’ত হাইলাকান্দিত প্ৰকাশ্যে ৰাজপথত নামাজ পঢ়াক কেন্দ্ৰ কৰি দুই ফৈদৰ মাজত সৃষ্ট হোৱা কাজিয়াৰ ফলত এক ভয়াৱহ পৰিস্থিতিৰ সৃষ্টি হৈছিল হাইলাকান্দিত ৷

হাইলাকান্দি,10 জুনঃ যোৱা 10 মে’ত এটা অবাঞ্ছিত ঘটনাই জোকাৰি গৈছিল হাইলাকান্দি । দুটা ফৈদৰ সংঘৰ্ষৰ ফলত সৃষ্টি হৈছিল এক উত্তেজনাময় পৰিস্থিতিৰ । ক্ষতিগ্ৰস্ত হৈছিল কেইবাখনো ব্যৱসায়ীক প্ৰতিষ্ঠান । আৰক্ষীৰ গুলীত এজন যুৱকৰ মৃত্যু হোৱাৰ বিপৰীতে আহত হৈছিল 10 গৰাকী । 1 মাহ পূৰ্বে হাইলাকান্দিত সংঘটিত সংঘৰ্ষৰ তদন্ত কৰিবলৈ সোমবাৰে হাইলাকান্দিত উপস্থিত হয় অতিৰিক্ত মুখ্য সচিব ৰাজীৱ কুমাৰ বৰা । সোমবাৰে হাইলাকান্দি আৱৰ্ত ভৱনত স্থানীয় দল সংগঠন সহ বিভিন্ন লোকৰ সাক্ষ্য গ্ৰহণ কৰা আৰম্ভ কৰিছে ৰাজীৱ কুমাৰ বৰাই । উল্লেখ্য যে, যোৱা 10 মে’ত হাইলাকান্দিত প্ৰকাশ্যে ৰাজপথত নামাজ পঢ়াক কেন্দ্ৰ কৰি দুই ফৈদৰ মাজত সৃষ্ট হোৱা কাজিয়াৰ ফলত এক ভয়াৱহ পৰিস্থিতিৰ সৃষ্টি হৈছিল । ইয়াৰ পিছত মুখ্যমন্ত্ৰী সৰ্বানন্দ সোণোৱালে এই ঘটনাৰ তদন্তৰ দায়িত্ব অৰ্পণ কৰিছিল অতিৰিক্ত মুখ্য সচিব ৰাজীৱ কুমাৰ বৰাক ।