হাইলাকান্দিত বন বিভাগৰ নেতৃত্বত অবৈধ বালি ছিণ্ডিকেট !

হাইলাকান্দিত বন বিভাগৰ নেতৃত্বত অবৈধ বালি ছিণ্ডিকেটৰ অভিযোগ AJYCP ৰ নেতা কবিৰ আহমেদ লস্কৰৰ ৷ হাইলাকান্দি বন বিষয়াৰ বিৰুদ্ধে উচ্চ পৰ্যায়ৰ তদন্ত দাবী জনায় যুৱ নেতাগৰাকীয়ে ৷

হাইলাকান্দি, 2 ফেব্ৰুৱাৰীঃহাইলাকান্দিত বন বিভাগক মেনেজ কৰি অসম চৰকাৰৰ ৰাজহ চক্ৰ ফাঁকি দি মিজোৰামলৈ বালি ব্যৱসায় কৰা অভিযোগ ৷ অসম জাতীয়তাবাদী যুৱ ছাত্ৰ পৰিষদৰ নেতা কবিৰ আহমেদ লস্কৰে একাংশ ব্যৱসায়ীৰ বিৰুদ্ধে উত্থাপন কৰিছে এই অভিযোগ ৷

বিলাইপুৰ আৰু ধলছৰা অঞ্চলত বন বিভাগক মেনেজ কৰি ব্যৱসায়ীসকলে নদীৰ পৰা ট্ৰাকে ট্ৰাকে মিজোৰামলৈ বালি প্ৰেৰণ কৰা বুলি সংবাদ মাধ্যমৰ আগত মন্তব্য কৰে ৷ ঘটনা সন্দৰ্ভত বনমন্ত্ৰী পৰিমল শুক্লবৈদ্য আৰু বন বিভাগৰ অধিকাৰীসকলক অৱগত কৰে যদিও তেখেতসকল ভূমিকা ৰসহ্যজনক বুলি মন্তব্য কৰে ৷

যুৱ নেতাগৰাকীয়ে কয়, বালি ছিণ্ডিকেট হাইলাকান্দি বন বিভাগৰ মাটিজুৰি ৰেঞ্জৰ আৰু বনাঞ্চলিক বিষয়া মেহেদী হাছানৰ নেতৃত্বত চলি আছে আৰু এই ছিণ্ডিকেটৰ ভাগ মন্ত্ৰীলৈ গৈ আছে বুলি অভিযোগ উত্থাপন কৰে ৷ ইয়াৰোপৰি হাইলাকান্দি বন বিভাগৰ বিষয়া দেবেন্দু বিশ্বাস আৰু মাটিজুৰি ৰেঞ্জৰ মেহেদী হাছানৰ বিৰুদ্ধে এক উচ্চ পৰ্যায়ৰ তদন্ত দাবী জনায় লস্কৰে ৷ অন্যথা হাইলাকান্দি বন বিভাগৰ কাৰ্যালয় ঘেৰাও কৰাৰ হুংকাৰ দিয়ে যুৱ নেতাগৰাকীয়ে ।

আৰু পঢ়কঃ বৰপেটাত অনুষ্ঠিত 'আইদেউৰ বুলনি' শীৰ্ষক অনুষ্ঠান