আলগাপু্ৰত প্ৰতিবাদঃ বিধায়কৰ ঘনিষ্ঠ ঠিকাদাৰক ৰক্ষণাবেক্ষণ আৰক্ষীৰ !

বিগত 25 জুনত দুৰ্নীতিগ্ৰস্থ ঠিকাদাৰ জহিৰুল ইছলাম মজুমদাৰৰ নিম্নমানৰ বাবে স্থানীয় ৰাইজ আৰু ঠিকাদাৰ পক্ষৰ মাজত চৰম সংঘাটৰ সৃষ্টি হৈছিল ৷

হাইলাকান্দি, 2 জুলাইঃ দুৰ্নীতিগ্ৰস্থ ঠিকাদাৰ আৰু আলগাপু্ৰ বিধায়ক নিজাম উদ্দীন চৌধুৰীৰ বিৰুদ্ধে স্থানীয় ৰাইজৰ প্ৰতিবাদ । পথ নিৰ্মাণত হোৱা দুৰ্নীতিৰ বাবেই প্ৰতিবাদ সাব্যস্ত কৰে প্ৰতিবাদকাৰীয়ে ৷ উল্লেখ্য যে, বিগত 25 জুনত দুৰ্নীতিগ্ৰস্থ ঠিকাদাৰ জহিৰুল ইছলাম মজুমদাৰৰ নিম্নমানৰ কামকাজ দেখি স্থানীয় ৰাইজ আৰু ঠিকাদাৰ পক্ষৰ মাজত চৰম সংঘাটৰ সৃষ্টি হয় ৷ সংঘাটত দা লাঠীৰ প্ৰহাৰত আহত হৈছিল 15 জনকৈ গাঁওবাসী ৷ সংঘাটৰ পাচত ঠিকাদাৰ জাহিৰুল ইছলাম মজুমদাৰৰ বিৰুদ্ধে আলগাপু্ৰৰ থানাত এজাহাৰ দাখিল কৰে গাঁওবাসীয়ে ৷ কিন্তু এজাহাৰ দাখিলৰ সম্পূৰ্ণ 5 দিন অতিক্ৰম কৰাৰ পাচতো কোনো পদক্ষেপ লোৱা নাই আলগাপু্ৰ আৰক্ষী বাহিনীয়ে ৷ যাৰ বাবে গাঁওবাসীৰ অভিযোগ ঠিকাদাৰ জাহিৰুল ইছলাম আলগাপু্ৰ বিধায়ক নিজাম উদ্দীন চৌধুৰীৰ ঘনিষ্ঠ হোৱা বাবেই আৰক্ষীক মেনেজ কৰি চলি আহিছে ৷ যাৰ পৰিপ্ৰেক্ষিতত সোমবাৰে স্থানীয় ৰাইজে আলগাপু্ৰ থানা ঘেৰাও কৰি বিধায়কৰ দুৰ্নীতি আৰু দুৰ্নীতিগ্ৰস্থ ঠিকাদাৰৰ বিৰুদ্ধে প্ৰতিবাদ সাব্যস্ত কৰে ৷ প্ৰতিবাদত আলগাপু্ৰ আৰক্ষী বাহিনীক শীঘ্ৰে কোনো পদক্ষেপ ন'ললে আলগাপু্ৰৰ 154 ৰাষ্ট্ৰীয় ঘাইপথ বন্ধ কৰি আন্দলোন কৰিব বুলি সদৰী কৰে ৷