পৰকীয়া প্ৰেম: নিজ ভতিজাকৰ সৈতে পলায়ন কংগ্ৰেছ নেতাৰ পত্নীৰ

অসম প্রদেশ কংগ্রেছৰ সম্পাদক দিলোৱাৰ হুছেইনৰ ঘৰত পৰকীয়া প্ৰেম ৷ ভতিজাকৰ সৈতে অবৈধ সম্পৰ্কত লিপ্ত হৈ পলাই গ’ল পত্নী শ্বাহনাজ ৷ ঘটনাক লৈ দিলোৱাৰ হুছেইন আৰু নিজ ভাতৃ নাইম উদ্দিনৰ মাজত তীব্ৰ বাক-বিতণ্ডা ৷

হাইলাকান্দি,15 অক্টোবৰ: হাইলাকান্দিত কংগ্ৰেছ নেতাৰ ঘৰত পৰকীয়া প্ৰেম ৷ অসম প্রদেশ কংগ্রেছৰ সম্পাদক দিলোৱাৰ হুছেইনৰ ভতিজাকৰ সৈতে অবৈধ সম্পৰ্কত লিপ্ত পত্নী শ্বাহনাজ ৷ ইয়াৰ পৰিণতি স্বৰূপে ভতিজাকৰ সৈতে পলায়ন কৰে পত্নী শ্বাহনাজে ৷

সমগ্ৰ ঘটনাক লৈ নিজ গাঁৱত এক বিচাৰৰ আয়োজন কৰা হয় যদিও দুই পক্ষৰ মাজত তীব্ৰ বাক-বিতণ্ডাৰ সৃষ্টি হয় ৷ ইয়াৰ পাচতে দিলোৱাৰ হুছেইনে বন্দুকেৰে দুই ৰাউণ্ড গুলীচালনা কৰাৰ ফলত নিজ ভাতৃ নাইম উদ্দিন গুৰুতৰভাৱে আহত হয় ।

ইফালে লালা বজাৰ আৰক্ষী চকীৰ ভাৰপ্ৰাপ্ত আৰক্ষী বিষয়া লিটন নাথে জনোৱা মতে,বুধবাৰে পুৱা প্ৰায় 8 বজাত দুয়োপক্ষৰ মাজত আক্রমণ আৰম্ভ হৈছিল । ঘটনা সন্দৰ্ভত দিলোৱাৰ হুছেইনৰ বাসগৃহৰ পৰা এটা বন্দুক উদ্বাৰ কৰে আৰক্ষীয়ে ৷

লগতে পঢ়ক:বন বিভাগৰ অভিযানত জব্দ লক্ষাধিক মূল্যৰ কাঠ