হাইলাকান্দি, ১২ ফেব্ৰুৱাৰী: শুকুৰবাৰে হাইলাকান্দিত সংঘটিত হয় এক ভয়ংকৰ পথ দুৰ্ঘটনা । হাইলাকান্দি জিলাৰ আলগাপুৰ সমষ্টিৰ ১৫৪ নং ৰাষ্টীয় ঘাইপথৰ কাঁকনাৰপাৰত সংঘটিত এই পথ দুৰ্ঘটনাত নিহত স্কুলীয়া ছাত্ৰী । নিহত ছাত্ৰীগৰাকীৰ নাম পাৰবিন চুলতানা বুলি জানিব পৰা গৈছে ।
ঘটনা অনুসৰি, পাৰবিন চুলতানাই ঘৰৰ পৰা পুৱা ৯ বজাতে বিদ্যালয়লৈ বুলি ওলোৱাত পিছফালৰ পৰা প্ৰচণ্ড জোৰে আহি থকা এখন নম্বৰবিহীন চাৰিচকীয়া বাহনে মহতিয়াই নিয়ে পাৰবিনক । দুৰ্ঘটনাটো সংঘটিত হোৱাৰ পাচতে স্থানীয় লোকে ৰাষ্টীয় ঘাইপথটো অৱৰোধ কৰি প্ৰতিবাদ সাব্যস্ত কৰে ।