ভুৱা আধাৰ কাৰ্ড অপাৰেটক আটক লালা আৰক্ষীৰ

লালা আৰক্ষী চকীৰ এক সুত্ৰই সদৰি কৰা মতে ভাৰপ্ৰাপ্ত বিষয়া লিটন নাথৰ নেতৃত্বত মঙলবাৰে সন্ধিয়া এক অভিযান চলোৱা হয় ৷ অভিযানত এজন লোকক আটক কৰাৰ লগতে আধাৰ কাৰ্ড বনোৱাৰ বিভিন্ন সামগ্ৰী জব্দ কৰে আৰক্ষীয়ে।

হাইলাকান্দি, 24 নৱেম্বৰঃ হাইলাকান্দি জিলাৰ লালা আৰক্ষীয়ে গোপন সুত্ৰৰ পম খেদি মঙলবাৰে আধাৰ কাৰ্ড নিৰ্মাণৰ নামত দীৰ্ঘদিন ধৰি অবাধ বেহা চলাই অহা এজন লোকক আটক কৰে ৷ লালা আৰক্ষী চকীৰ এক সুত্ৰই সদৰি কৰা মতে ভাৰপ্ৰাপ্ত বিষয়া লিটন নাথৰ নেতৃত্বত মঙলবাৰে সন্ধিয়া এক অভিযান চলোৱা হয় ৷

অভিযানত এজন লোকক আটক কৰাৰ লগতে আধাৰ কাৰ্ড নিৰ্মাণ কৰা বিভিন্ন সামগ্ৰী জব্দ কৰে আৰক্ষীয়ে । আটক কৰা যুৱকজনৰ নাম সাইদুল ৰহমান লস্ক ৷

উল্লেখ্য যে, এই লোকজনে এটা আধাৰ কাৰ্ড নিৰ্মাণ চেন্টাৰৰ জৰিয়তে ভুৱা আধাৰ কাৰ্ড নিৰ্মাণেৰে সাধাৰণ লোকৰ টকা লুন্ঠন কৰাৰ অভিযোগ তুলিছে স্থানীয় লোকে ৷

লগতে পঢ়কঃতুৰ্কী সমাৰোহত অংশগ্ৰহণ কৰি কি ক‘লে ডনাল্ড ট্ৰাম্পে ?