পথৰ দুৰৱস্থাৰ বাবে কৰুণ মৃত্যু সাৱটিলে মহিলাই

গোলাঘাটত পথৰ দুৰৱস্থাৰ বাবেই কৰুণ মৃত্যুক সাৱটি লয় এগৰাকী মহিলাই ৷ দুৰ্গম পথৰ বাবে সাঙী বান্ধি চিকিৎসালয়লৈ নিয়াৰ সময়তে লেতেকুচাপৰি পথৰ আদবাটতে মৃত্যুমুখত পৰে চন্দ্ৰমায়া চুব্বা নামৰ মহিলাগৰাকী ৷

গোলাঘাট,29 জুন: পথৰ দুৰৱস্থাৰ বাবে কৰুণ মৃত্য়ুক আঁকোৱালি লৈছে গোলাঘাটৰ এগৰাকী মহিলাই ৷ ৰাজ্যৰ গ্ৰামাঞ্চলতহে উন্মোচিত হয় ৰাজ্যৰ উন্নয়নৰ প্ৰকৃত ছবিখন ৷ ঘটনাৰ বিৱৰণী অনুসৰি, গোলাঘাটৰ লেতেকুচাপৰি নেপালী গাঁও অঞ্চলত চন্দ্ৰমায়া চুব্বা নামৰ এগৰাকী মহিলা উচ্চ ৰক্তচাপজনিত কাৰণত ঢলি পৰে ৷ ইফালে অঞ্চলটোৰ 39নং ঘাইপথ সংযোগী পথটোৰ সৈতে সংলগ্ন উপ-পথটোৰে কোনো বাহন নোসোমোৱাৰ ফলত উপায়ন্তৰ হৈ পৰিয়ালৰ লোকে সাঙী বান্ধি চিকিৎসালয়লৈ লৈ যায় যদিও আদবাটতে মৃত্যুক সাৱটি লয় মহিলাগৰাকীয়ে ৷

লগতে চাওকঃবিকশিত অসমঃ নলাৰ পানীকে সেৱন চিৰাঙবাসীৰ