খুমটাইত প্ৰয়াত প্ৰাক্তন মুখ্যমন্ত্ৰী তৰুণ গগৈক শ্ৰদ্ধাঞ্জলি

প্ৰাক্তন মুখ্যমন্ত্ৰী তৰুণ গগৈৰ মৃত্যুত শোকস্তব্ধ সমগ্ৰ ৰাজ্য ৷ ৰাজ্যৰ ঠায়ে ঠায়ে প্ৰয়াত নেতা গৰাকীলৈ শ্ৰদ্ধাঞ্জলি জ্ঞাপন কৰিছে বিভিন্ন জনে ৷ খুমটাই চাহ বাগিচাতো ৰাজহুৱা শ্ৰদ্ধাঞ্জলি জ্ঞাপন কৰে স্থানীয় ৰাইজে ৷

গোলাঘাট, 24 নৱেম্বৰ : প্ৰাক্তন মুখ্যমন্ত্ৰী তথা সফল ৰাজনীতিবিদ তৰুণ গগৈৰ মৃত্যুত শোকস্তব্ধ সমগ্ৰ ৰাজ্য ৷ ৰাজ্যৰ ঠায়ে ঠায়ে প্ৰয়াত নেতা গৰাকীলৈ শ্ৰদ্ধাঞ্জলি জ্ঞাপন কৰিছে অসংখ্য লোকে ৷ প্ৰাক্তন মুখ্যমন্ত্ৰী গৰাকীয়ে অসমবাসীক দি যোৱা সু-শাসন কোনেও পাহৰিব নোৱাৰে ৷

খুমটাইত প্ৰয়াত প্ৰাক্তন মুখ্যমন্ত্ৰী তৰুণ গগৈক শ্ৰদ্ধাঞ্জলি

মঙলবাৰে খুমটাই চাহ বাগিছা সংঘ, খুমটাই মণ্ডল কংগ্ৰেছ, যুৱ কংগ্ৰেছ, মহিলা কংগ্ৰেছ আৰু স্থানীয় ৰাইজৰ সহযোগত এক শ্ৰদ্ধাঞ্জলি অনুষ্ঠানৰ আয়োজন কৰা হয় ৷ খুমটাই চাহ বাগিচা দূর্গা মন্দিৰৰ প্ৰাঙ্গনত অনুষ্ঠিত এই শ্ৰদ্ধাঞ্জলি অনুষ্ঠানত জাতি, ধৰ্ম, বৰ্ণ নিৰ্বিশেষে সকলো লোকে অংশগ্ৰহণ কৰি প্ৰয়াত নেতা গৰাকীলৈ শ্ৰদ্ধাঞ্জলি জ্ঞাপন কৰে ৷

উল্লেখ্য যে, প্ৰয়াত নেতা গৰাকী অকল ৰাজনীতিবিদেই নহয় অসমৰ এগৰাকী অভিভাৱক বুলি অভিহিত কৰে স্থানীয় ৰাইজে ৷ প্ৰায় শতাধিক লোকে শ্ৰদ্ধাঞ্জলি অনুষ্ঠানত উপস্থিত থাকি প্ৰাক্তন মুখ্যমন্ত্ৰী গৰাকীক স্মৰণ কৰে ৷

লগতে পঢ়ক:ৰাজ্যৰ বিভিন্ন প্ৰান্তৰ লগতে যোৰহাটতো তৰুণ গগৈলৈ দল সংগঠনৰ শ্ৰদ্ধাঞ্জলি