গোলাঘাটৰ এৰেঙ্গোগাপাৰাত যান বাহন আৰক্ষীৰ অভিযান

পাৰ্কিং ব্যৱস্থা থকা স্বত্বেও উদণ্ড চালক সমূহে পথৰ দুয়ো কাষে বাহন ৰখায় যান-জঁট সৃষ্টি কৰে ৷ সেয়ে গোলাঘাট যান বাহন আৰক্ষীয়ে এৰেঙ্গোগাপাৰাৰ পথটোত যান বাহন আইন নমনা চালক সকলৰ বিৰুদ্ধে অভিযান চলায় ৷

গোলাঘাট , 05 মে': গোলাঘাটৰ এৰেঙ্গোগাপাৰাত ন' পাৰ্কিং আৰু পথৰ দুয়ো কাষে যান-বাহন ৰখোৱা চালকৰ বিৰূদ্ধে যান বাহন আৰক্ষীয়ে অভিযান চলায় ৷ গোলাঘাট নগৰত যান-জঁট সমস্যা লৈ ৰাইজে হাৰাশাস্তি ভোগাৰ অভিযোগ ৷

পাৰ্কিং ব্যৱস্থা থকা স্বত্বেও উদণ্ড চালক সমূহে পথৰ দুয়ো কাষে বাহন ৰখায় যান-জঁট সৃষ্টি কৰে ৷ ফলত গোলাঘাট শ্বহীদ কুশল কোঁৱৰ চিকিৎসালয়লৈ অহা ৰোগী সকলে দুৰ্ভোগ ভুগিব লগীয়া হয় ৷ ইপিনে যান জঁটৰ বাবে বিদ্যালয়ৰ ছাত্ৰ - ছাত্ৰীসকলে বিদ্যালয়লৈ সময় মতে অহা যোৱাত সমস্যাৰ সৃষ্টি হয় বুলি জনায় ৰাইজে ৷ ইয়াৰোপৰিও বিভিন্ন সময়ত যান জঁটৰ বাবে পথটোত সৰু-বৰ দুৰ্ঘটনাও সংঘটিত হয় বুলি স্থানীয় ৰাইজে জানিবলৈ দিয়ে৷ সেয়ে দেওবাৰে গোলাঘাট যান বাহন আৰক্ষীয়ে এৰেঙ্গোগাপাৰাৰ অতি ব্যস্ত পথটোত যান বাহন আইন নমনা চালক সকলৰ বিৰুদ্ধে অভিযান চলায় তেওঁলোকৰ পৰা জৰিমনা বিহে ।