1 বজাৰ শীৰ্ষ বাতৰি

1 বজাৰ শীৰ্ষ বাতৰি

2020 চনৰ আজিৰ দিনটোতে ইহ সংসাৰৰ পৰা মেলানি মাগিছিল অসমৰ প্ৰাক্তন মুখ্যমন্ত্ৰী তৰুণ গগৈয়ে ৷ আজি তেখেতৰ প্ৰথম মৃত্যু বাৰ্ষিকী ৷

ৰাজ্য চৰকাৰে ডাঃ ধ্ৰুৱজ্যোতি বৰাক শ্ৰীমন্ত শংকৰদেৱ স্বাস্থ্যবিজ্ঞান বিশ্ববিদ্যালয়ৰ উপাচাৰ্য হিচাপে নিযুক্তি দিছে । ড৹ বৰাই বিশ্ববিদ্যালয়খন নতুন ধৰণে শক্তিশালী ৰূপত আগবঢ়াই নিয়াৰ বাবে ইতিমধ্যে পৰিকল্পনা গ্ৰহণ কৰিছে ৷

ত্ৰিপুৰা আৰক্ষীয়ে দেওবাৰে আটক কৰা তৃণমূল কংগ্ৰেছৰ যুৱ মৰ্চাৰ সভাপতি চায়নি ঘোষক জামিন প্ৰদান ৷ অতিৰিক্ত মুখ্য ন্যায়িক দণ্ডাধীশৰ আদালতে জামিন প্ৰদান কৰে তৃণমূল নেত্ৰী গৰাকীক ৷

কৃষি আইন বাতিলৰ ঘোষণা কৰাৰ পাছতো সন্তুষ্ট হোৱা নাই বিৰোধী কংগ্ৰেছ দল । কংগ্ৰেছৰ প্ৰতিবাদত পুনৰ উত্তাল হ'ব দেশৰ ৰাজধানী চহৰ দিল্লীৰ ৰাজপথ । কৃষকৰ সমস্যাৰ লগতে মূল্যবৃদ্ধি বিষয়টোও স্থান পাব কংগ্ৰেছৰ প্ৰতিবাদী সমদলত ।

ভাৰতীয় দুই গৱেষকৰ এক সমীক্ষাত পোহৰলৈ আহিছে যে, লেকট্ৰ’ন, প্ৰট’ন, নিউট্ৰ’ন, নিউট্ৰিন’ আদি কণাসমূহৰ (Particles) কিছুমান সালসলনি কেৱল চুম্বকীয় ক্ষেত্ৰৰ সলনি হোৱাৰ ফলতেই নহয়, ই মধ্যাকৰ্ষণ ক্ষেত্ৰৰ উপস্থিতিৰ ফলতো হ’ব পাৰে ৷ গৱেষক দ্বয়ৰ এই উদ্ভাৱনে কোৱাণ্টাম পৰিঘটনাৰ (quantum Phenomena)ক আৰু অধিক ভালদৰে বুজাত সহায়ক হ’ব ৷

মহানগৰীত উদ্ধাৰ হৈছে এজন যুৱকৰ মৃতদেহ(Deadbody recovered in hatigaon) ৷ তলাবন্ধ এটা কোঠাত উদ্ধাৰ হৈছে মিলন ছেত্ৰী নামৰ যুৱকজনৰ মৃতদেহ ৷ বিগত 18 নৱেম্বৰৰ পৰা সন্ধানহীন হৈ আছিল মিলন ৷

নগাঁৱৰ বঢ়মপুৰত সোমবাৰে নিশাৰ ভাগত দেখা যায় এটা বৃহৎ বন্যহস্তীৰ জাক(Wild Elephant Roaming) । বঢ়মপুৰৰ বালিজুৰিৰ হস্তীদণ্ডীৰে কাৰ্বি পাহাৰৰ পৰা ভৈয়ামলৈ নামি আহিছে প্ৰায় 200 জনীয়া বনৰীয়া হাতীৰ জাকটো ৷ জাকটোত আছে বহু কেইটা পোৱালী । চাপানালা-বামুণী সংযোগী ৰাজপথৰে পাৰ হৈ যোৱাৰ দৃশ্য বন্দী হয় সাংবাদিকৰ কেমেৰাত । ৰাজপথ অতিক্ৰমী বৃহৎ জাকটো চলচলি, জলাহ আদি নিকটৱৰ্তী গাঁৱসমূহৰ পথাৰত মাজনিশা উপদ্ৰৱ চলোৱাৰ আশংকা ব্যক্ত কৰিছে প্ৰত্যক্ষদৰ্শীসকলে । চাওক এই প্ৰতিবেদন...

ভূমি সংক্ৰান্তীয় সেৱাৰ বাবে "ড'ৰ ষ্টেপ ডেলিভাৰি"(Door step delivery system)ৰ ব্যৱস্থা ৷ সোমবাৰে চামগুৰি চক্ৰ বিষয়াৰ কাৰ্যালয়ত উপস্থিত হয় মন্ত্ৰী যোগেন মহন (Jogen Mahan visited Samaguri Circle Office) ৷ "মিচন বসুন্ধৰা"ৰ অধীনত ৰাজ্যত এই পৰ্যন্ত দুই লক্ষাধিক ভূমি সংক্ৰান্তীয় আবেদন গ্ৰহণ কৰা হৈছে বুলি কয় ৷

ক’ভিডৰ সংক্ৰমণ হ্ৰাস নোহোৱাৰ বাবে পুণৰ ক’ভিড পৰীক্ষাৰ সংখ্যা বৃদ্ধি কৰাৰ বাবে নিৰ্দেশ দিছে কামৰূপ মহানগৰ জিলাৰ উপায়ুক্ত পল্লৱ গোপাল ঝাই । জিলাখনৰ আন আন স্থানৰ লগতে বস্তি এলেকা তথা স্পৰ্শকাতৰ অঞ্চলসমূহত ক’ভিড পৰীক্ষা বৃদ্ধি কৰিবলৈ স্বাস্থ্য বিভাগক নিৰ্দেশ দিছে জিলা উপায়ুক্ত গৰাকীয়ে ।

ডিব্ৰুগড় বিশ্ববিদ্যালয়ৰ উপাচাৰ্য ড৹ ৰঞ্জিত কুমাৰ তামুলীক ৰাজ্যপালে কৰিলে অপসাৰণ । এক দীঘলীয়া ন্যায়িক যুঁজৰ অন্তত সোমবাৰে অপসাৰিত কৰা হ’ল ডিব্ৰুগড় বিশ্ববিদ্যালয়ৰ এসময়ৰ বিৰ্তকিত উপাচাৰ্য ড৹ ৰঞ্জিত কুমাৰ তামুলীক ।